keer: "t Is toch nie te filmen, jong De grove winsten van de ver
zekeringsmaatschappijen, de afwerende houdieng van de beleids-
maekers, de ambtenarij en 't winstbejag - wat een democratie zou
moete weze, is dat vö Rinus allank a nie mi. 'M'n 'uusarts wilde
geen briefje afgeve dat de operatie in Duitsland elukt was. Ie
zeide: Ik val m'n collega's nie afEn ik zeide: Dus je patiënten
wè?! Daè was n nie bliee mee.'
In de weeke naedien, de eerste weeke van augustus, is de zurg-
sector eiken dag in 't nieuws. Negatief. Een dodelijk ongeluk in
een inrichtieng in Terneuzen. De mooie praotjes van de directeur
van Arduin. De tweêderangs kwaliteit van de ziekenuuzen in de
provincie. En op zes augustus: 't Europese Hof eit geoordeeld dat
landsgrenzen en wetten van een land geen belemmerieng mi
meuge weze vö hulp in 't butenland. Mae daèr oort an toege
voegd dat 't nog zeker tien jaer knokken kost vö 't precies dude-
lijk za weze wat er vergoed mag ore.
Rinus van 'Oute weet wat knokken is: 'Recht is recht en lijdzaem
toeziee da doen 'k nie ml. Dat 'ebbe 'k onder andere op Der
Boede eleerd. Ik knokte voe m'n rechten en ik za bluve knokke.
'Ard as 't moet. 'Eêl 'ard. En iedereên die dat ok doet, die mö je
van mien mae de 'artelijke groete doee. Van Rinus van 'Oute uut
Yese.'
Op 1 ^eptember 1999 vaalt bie Rinus van 'Oute een brieve in de
busse die as moed geeft: de Bundesarztekammer te Bremen verklaert
dat Rinus z'n operatie gin experiment ei geweest, maer in Duitsland
gewoon een reguliere ingreep is, die aolle ziekenfondsen dae vergoede.
Rinus zn advocaot kan voruut...
