7Mie een zunverzulverd randje' (±1930)
D. A. Poldermans
D. A. Poldermans (1877-1939) is een van de belangriekste Zeeuwse
(streektael-)schrievers. Ie was onderwiezer en wier bekend mee vesjes
as'tZeeuws en Zeêuws-Vlaoms volkslied. Een bitje dezelfde maniere
van vesjes schrieven as Pieter Louwerse, aod n.
Ie begon op een gegeve moment ook mee 't schrieven van vesjes in 't
Zeeuws. Laeter volgde d'r veraelen en een paer gedichten. D'r bin
vier veraelenbundels van z'n verschene, tweêe nog twint at n leefde
(Zuud-Bevelandsch Lief en Leed' uut 1926 en 'Langs dieken en
wegen' uut 1931) en tweêe bin nae z'n dood uutgegeve deur z'n
dochter ('As twee onden vechte' uut 1992 en 'Ze wist nie wa ze dee'
uut 1990).
Ie kwam van Schouwen, Ellemeet op precies te zien, mae weunde en
werkte lange tied op 's Graevenpolder. Zien geschreve Zeeuws liekent
meer Bevelands as Schouws, maer 't typische an Poldermans is dat
zien teksten vor aolle Zeeuwen as 'eige' anvoele.
Me een keuze gemaekt uut openiengspassages van z'n novellen en
een gaefriem, dat a vo guus geschreve liekt te zien. Z'n spellienge
me mee rust gelaete.
i
Rood van de kouwe
Maerten stieng tusschen d'outvumme en d'erke dae de waegens
en de ploegen en de eggen en aol 't andere gereeschap stieng te
rusten en te roesten. Net as 'n mensch.... rustende verroest.
Mae 't gereeschap dat möch ruste, omdat 't geen tied van gebruuk
was, want dae buten d'erke lag aolles diepe onder de sneeuw en
d'iezige winterwind joeg sniedend scherp over de kaele,
verschrompelde velden en d'ienkele ploeg, die ier of daer vast
eklemd zat in de verstaelde kluten, zou z'n eigen graag.... Mae
neê, 'n ploeg is mae 'n ploeg en dae d'n staet, dae staet 'n;
misschien aolf en aolf vergete en verwaerloosd.
Ier, bie d'erke, stieng Maerten tenminsten uut de wind en mie de
kouwe schikten 't ier nog a, zoodat 'n z'n rok an 'n spieker kust
ange, toen 'n 'n stuitje bezig was mie out zaegen. Z'n anden, dat
was 't ergste. De geschoorde, deurkloofde knuusten stienge strek -
rood van de kouwe.
Uut 'Maerten' deur D. A. Poldermans, in: 'Zuud-Bevelandsch Lief en Leed',
Middelburg 1926.