Bamboes Ko
Pier van Damme
Op een morgen
en op een morgen
was het dan zover:
het Zeeuws was in!
De deur had allang
op een harre gestaan
maar nu woei de wind
van taal
haar plotseling
mond open wijd
dat zal de mensen goed doen
een pimpampoentje op hun hand
een kietelsteentje achter hun tanden
uut: Krukels. Walcherse gedichten van Pier van Damme, Werkendam: De Schans,
1988
- Ee, ei jie dat a opgestierd?
- Watte, dat ene nieuwjaerskaortje? Daè bin 'k a jaeren
mee opgouwe!
- Neê, wien a je de Zeeuw van de eêuw vindt. Da ka je opstiere
naè de PZC en mee den Ouwejaer staet er in wien as de meeste
punten gekregen eit.
- De Zeêuw van de eêuw... 's Kieke... Nou, Piet 'ierzö. Das een
eêuwigste vent en a je weet 'oevee biertjes at n a vo me inge-
schoenken eit...
- Neê, 't moet er eên weze die as z'n stempel op Zeêland gedrukt
eit en da ka je van Piet nie zeie...
- Op 'eêl Zeêland melieve! Dan bedoele ze zeker den eên of aoren
domenie of zö? Of Colijn mee z'n 'arde gulden, dien motzak!
- Neê, ie moe langere tied in Zeêland geweund of gewérkt Net
as De Casembroot of Kaland of zö...
- Van die grote lui? Ei-jie daè op gestemd dan?
- Ikke nie. Ik bin nie zö vo die enquetes van lek-me-vesje. 'k Wou
zömae 's wete of ji'e daè an mee dee...
- Bin je nie wiesder! An zukke trunten zeker? Moe je me daèvö op
zitte naoie! Wacht 's, ik za jóe 's opschrieve da je in de PZC komt!
- Bin jie noe zot? Dan 'k liever da je Piet opstiert. Weet je wat,
dan doen ik 't ook! Tweê stemmen, das een voorsproeng. En me
zeie niks tegen Piet.
- Afgesproke! Piet, geeft 'ier 's tweê pilsjes. Enne... neemt zelf ook
wat!
