Mensen die wèrke
N
v 'Ik bin in januari mee m'n studie opgouwe. Ik docht: dan 'k
E misschien drieënalf jaer verlore, mae dat leste 'alve jaer winne 'k
dan toch.' Jan-Kees is 23 en draoit vanaf maerte 1999 op een
kraene, nae tweê maenden uutzendwerk. De Agrarische
jg Hogeschool in Delft 'ieuw n vo geziee. De Walcherse boerezeune
ao nog maer een 'alf jaertje te gaen, mae was z'n motivatie glad
kwiet. 'Ik ao die studie zonder moeite kunne afmaeke, want mee
leren 'k nooit moeite g'aod. Maer ik was eigenlijk a nie mi
gemotiveerd nae m'n stage in Goes, bie de 'Dienst Landelijk
Gebied'. Daè was me duudelijk g'ore: as dat m'n werk moe ore,
dan kan 'k net zö goed geliek opouwe!'
Jan-Kees geeft an dat z'n beslissing feitelijk tweê kanten ao: 'Ik
bin aoltied van plan geweest om laeter van vaoder 't 'of over te
nemen. Nest een baan wou ik dat doee, want full-time boere, da
gae nie mi. Maer as ik eênmael wat verder kwam mee die studie,
ik dee de richtieng 'Natuur en Landschap', dan zag je pas waer as
je feitelijk naè toe groeide: een baan mee verantwoordelijkeid en
dat 'ouw nie mee veertig uren in de weeke op. Dan moe je
biebluuv^, bielere en zö en 'k zag ankomme da'k dan 's aevends
geên tied zou om op 't 'of te werken. DusJstoppe d'r mee. Noe
as kraenmachinist lukt dat natuurlijk wè, dat werken op 't 'of.
Mae dat was 't nie alleêne....'
Jan-Kees knikt. Opluchtieng, das 't goeie vJbord. Bliee, dat n uut
Delft weg is. 'De andere reden da'k nie deur wou gae is da 'k in
m'n stage kennis miek mee 't werk daè as ik vo opgeleid wier:
ansturende functies, beleidsfuncties. Ik kreeg te maeken mee
mensen die in mien ogen te weinig uutvoere. Ze moete mekaore
bezig 'ouwe op die kantoren en as je j'n eige daèr in kan vinde,
dan ka je een wereldbaan 'ebbe. Da geloove 'k zeker. As je j'n eige
daèvo geeft, dan ei je 't glad nie moeilijk.'
'Mae zö zitte ik nie in mekaore. Mien instellieng is anders: ik wil
werke en nog leuke diengen doee ook. Ik die studie nooit
anders geziee as een bitje lere. Mae de meêste die op de
Agrarische Hogeschool zaete, aodde een glad anders
verwachtiengspatroön: studere en een mooie baan mee een goed
salaris. Eigenlijk zöas 'eêl de maatschappij tegenwoordig dienkt
dat 't moet. Die lui studeerde volgens mien over 't algemeên ook
om d'r eige 'student' te kunne noemen.'
'Mae de klap op de vuurpiele was toch m'n 'alf jaer stage bie de
Dienst Landelijk Gebied in Goes. Da's een afdeêlieng van 't
Ministerie van Landbouw en Visserij. As je zag wat er aol over en
weer goeng van ulder kantoor naè dat van Rijkswaterstaat, dan
docht je ook: ze 'ouwe mekaore bezig. Weet je dat de Dienst
Landelijk Gebied natuurgebieden ontwerpt? Ik docht dan: zö een
plan moe goed uutvoerbaer weze en nie te vee koste. Praktisch
dienke dus. Mae die lui daè redeneerde: maek mae wat leuks en
zet mae zö 'oog meugelijk in. Das natuurlijk stikke simpel:
zömae wat ontwerpe en d'r van uutgae dat een ander d'r wè in za
schrappe.'
'Zö deeë ze dat op elk niveau bie die Dienst. D'r oort alleên min
der geschrapt as je j'n idee goed kan onderbouwe. Maer ik zou
zeie: probeer zö'n plan geliek goed op papier te zetten. Anders
loop je 't risico dat er iets in bluuft da je zelf nie belangriek vindt
en dat 't waerdevolste geschrapt oort. Dat 't een los saemenraepsel
oort van glad verschillende uutgangspunten. Ik kreeg nie vo niks
't idee dat ze mekaore ginter bezig zitte te 'ouwen....'
