Van't leêuwerkje (1655)
Cornells Liens
Uut den tied tussen Cornelis Everaert
(mee z'n stik uut 1526) en de negentiende
eêuw, bin nie vee Zeêuwse teksten
bekend. Schrievers as Jacob Cats (1577
1660) en Johan de Brune (1588-1658)
vonde da ze, in vergeliekieng mee
'Ollandse schrievers, Zeêuws schreve. Cats
schrieft van z'n eige dat n 'somtyds Zeeus,
somtyds Hollands' schreef. Vee typisch
Zeêuws vin je toch nie bie zukke mannen
terug.
Gröze Zeêuwen waere 't wè. 't Is nie vo niks a ze aollebeie mee
werk te vinden bin in de Zeeusche Nachtegael. Da's een bundel
waer as Zeêuwse dichters en schrievers an 'Ollanders woue laete
ziee, da ze 't ook konde. Deur 'eêl die bundel vin je opmerkien-
gen as 'zei n in ronde Zeêuwse taele', mae echt vee Zeêuws zöas
ons dat kenne, ka je d'r nie van maeke. 't Bluuft bie 'Ollands mee
een Zeêuwse sause. Of andersom.
In sommige aore teksten uut^dien tied kom je wè 'êle passages
tegen, die je perfect in 't Zeêuws op kan leze. Sterker nog: a je 't|
in 't 'Ollands doet, klopt 't riem nie eêns meer 's. Een mooi voor
beeld daevan vin je in de 'Kleyne werelt' van Cornelis Liens k
(1580-1636), die van Smerdiek kwam en 'eêle z'n leven op
Tholen (en een stuitje op Schouwen) weunde. Kleyne werelt, d|rt
a pas in 1655 verscheen en z'n énigste boek was, is een bont
spictaokel vol mee glad verschillende stijlen en aol.
Vant leeuwerckjen
't Leeu-werckjen aerdigh dier, soet-beckje, singel-lyre
't Schreeuw-vlerckjen, vaerdich, fiet, tyre-lyre-lyre.
Klimt, klemt, viert, swiert, valt neer, tyr'liert weer op een nieu
Beckt, soete-lieven-Heer adieu, adieu, adieu!
Syn grysje in 't grasje deckt; poot dribbel-vryerytjes;
Min-liefde rasjes weckt nieuw tyre-lyre lytjes.
A je bie 't lezen let op 'oe a de schriever 't eên en 't aor zelf uut-
gesproke zou (da ka je zien an 't riem), ku me d'r 'eêl makkelijk
een Zeêuwse versie van maeke. 'Leêuwerkje' vo leêuwerik kom
nog aoltied voor, bievobbeld op Tholen en Schouwen. Me 'oeve,
b'aolve de spellienge, dus naebie niks an te passen:
Van 't leêuwerkje
't Leeuwerkje aerdig dier, zoetbekje, singe-liere
't Schreeuwvlerkje, vaerdig, fiet, tiere-liere-liere.
Klimt, klemt, viert, zwiert, valt neer, tier'liert weer op een nieu
Bekt, zoete-lieven- 'Eer adieu, adieu, adieu!
Zien griesje in 't grasje gedekt; poot dribbel-vrieërietjes;
Min-liefde rasjes wekt nieuw tiere-liere lietjes.
