Verjaerdag
Arie de Viet
De doóze mee gebak
stae al een uure
op een koele plekke
in de schuure
klam te worren
deu 't wachten
op de gasten
t is keurig gesorteerd
zonder mokka en
zonder schuum
vuuftien stuks
da's lekker ruum
de mist trekt
in dunne slierten
over 't pas
gespitte 'of
kael is 't wachten
op de gasten
mae lank za 't nie meer dure
vor een feestje tussen moorkop,
romoorn en appelpunt:
de muzen bin d'r eerder
as de buren
5@zeelandnet.nl
is@zeelandnet.nl
h@zeelandnet.nl