- BAAS
Z IN EIGEN
»A|I LAND
Ramskapelle ei gin Blok nódig; ze 'ouwe 't liever een bitje gemoedelijk.
Gaby ei ervaerieng mee 't café'ouwen.
'Gie èt yo 't Blok gestemd!' zeit Gaby mee een felle stemme a 't
gesprek stil vaolt. 'Eur vienger priemt in 't wezen van eên van de
mannen an de bar. 'Ikke? Bèneên-ik. 'k Zien vo de blauwen
Stemme vo de 'brunen', dae zwieg je over.
Toch bin d'r 'ier op 't durp ook Blokkers. A me terug nae den
auto löpe, staet er een man op den 'oek bie 't café. Ie eit ook a
zb'n aollemenselijk gróte sportfiets. Ie noemt een paer 'brunen'.
De naemen zeie ons niks, net zö min as de uutgebreide stamreeks
die a d'r bie 'oort. Zelf stemt n aoltied CVP, 't Belgse CDA.
Waerom? 'A ja, bèjao... da zien 'k zö gewoon, ee. Wat de CVP wil
mee Belgn? Ik èn d'r gin gedacht van, mao 't za wè losloópn, ee
meneer!'
't Liep nie los mee de CVP, de partij verloor flienk. De 'blauwen'
van de VLD, de Vlaomse WD, wonne. Net as 't Vlaoms Blok.
Mae een zwarte zondag wier 't nie; in Brussel 'aelde 't Blok nie
genoeg stemmen om lillijk te kunne doen bie de saemenstellieng
van de gewestregerieng.
A me 't durp uutriee, kieke me nog eên keer om. Ramskapelle,
'onderdvuuftig brievenbussen ('de facteur 't gezeid') mee een
café in 't midden en de kerke d'r nest. Tweê paeren lópe deur een
'ollebollig weitje mee troenken. Ze schure tegen een groot bord
mee een foto van een 'ideale' Vlaomse fermielje, 'Baas in eigen
land' staet er bie. Die van Ramskapelle, de luitjes in
Burgerwelzijn, de kérels mee ulder sportfietsen en de bazinne van
de durpswienkel, bin baos in eigen durp. Da's groot genoeg en ze
d'r gin Vlaoms Blok bie nódig. Ze 'ouwe 't liever een bitje
gemoedelijk.
Ramskapelle leit an de Riante Polderroute, een fietsroute daer as ze je bie
de VW van Sluus van aolles over kunne vertelle. En de deurgaende weg
van Sluus nae Brugge is oök nie verre weg. A je nae Westkapelle rechtsaf
slaet richtieng 'Eist, rie je zö 't durp in.
Dit stikje is 't eêste in een serie bezoeken an onze 'taelburen' in 't zuuen.
Noe wil ielke drie maenden een lezer een pieltje laete gooie op een kaorte
van West- en Frans-Vlaenderen en maekt daenae een rippertaoge van 't
plekje daer a de piele landt.
Me geprobeerd de taele van Ramskapelle in de citaten zö goed meugelijk
weer te geven. De rest is in 't Walchers zöas de schriever dat kent.
Hot Zoute
li.3*
4 Rat ranch
1
Torhols
KI -HEIST
Mas
Sint Anno
ter Muiden
yjjtoUoei'c
