Breda bier
m
Peter Verdurmen
r
Stop de persen. De têletiedmachine 'oeft nie meer uutgevondn te
worn. Ze bestaot! Den eêrstn proef is een deuslaond succes. Back
to the future is werkelijkeid geworn. Café P. de Bruyckere,
Smedekensbrugge 1 in Aernburg, is 't eerste proefknien. Op zon
dagmorgen, en allênig mao dan, gaot er een andere wèreld voo je
open. Je kan t'r proevn van de jaorn vuuftig.
Een tap is t'r nie. Achter 't barretje staot een bak bier.
Geheelonthouders, nog a zeldzaom in 't Land van Cezand, kunn
een Spa-tje bestellen. Koffie? "Neêë, dat èn me nie".
De joenge gasten op 't verschoten 7-Up reclamebord zien een
goed voobeêld voo ons allemaole. Mee die wederopbouw kom 't
wè goed.
Mee een verleidelijke blik loenkn drie Breda Bier-starlets nao de
argeloze bezoeker van dit Aernburgse zondagscafé. 't Ouwere
clienteêl is t'r nie gevoelig voo. Zudder geevn de vookeur an
puupjes 'Eineken. Zö kan 't natuurlijk nooit wa worn mee da
Breda Bier
Om eên uure precies doet de café-eigenaor z'n deure toe. "Toet
kommende weeke".
■bred*
OUD BRUIN