Z'n puupe rokend kuirdn boer Labeur langs z'n weien waèr an
'onderdvuuftig glanzende koeien liepen te graezen. Boer Labeur
was een gelukkig en tevreen mens; ie aa een pracht van een vrou
we en drie schatten van kinders. Saemen mie z n vrouwe en een
medewerker mos n 'ard werken, mae ie aa een welvaerende veêou-
derie waè a iedereen in 't durp tegenop keek. Z n boerderie was
tien hectaren groot en d'r langs stroómdn een breêe waetergank
die a stikvol vis zat. Ie aa de visrechten en 'aeldn d'r 'eêl wat
snoek, karper en baars uut.
Mie genoegen keek ie naè z'n koeien die an lekker laggen te her
kauwen. Sommige stoengen a voe 't dam'ekken wan t was naebie
melktied en die beêssen wistn precies d'r tied. Bovendien kregen
ze aal tied voordien een goeie possie krachtvoer daè an ze dol op
wassen, 't Gos was mals en sappig en de koeien wassen kernge
zond. Labeur keek 's op z'n horloge en kloptn z n puupe uut. t
Was melktied. 'Kwa-gauw, kwa-gauw!' De koeien die an nog lag
gen, stoengen op en kwammen op een drafje naè de stal. Ze wistn
aal d'r eigen box en zödraè ze daè stoengen kwam d'r een zachte
fontein waeter uut de vloer daèr an de spenen mie wieren schoó-
ne emaèkt.
Labeur druktn op een knopje en de spenen wieren aneslote an de
melkbuze en 't melken begon, aal automatisch. Via een roestvrie
staelen leiding stroómdn de melk in de tanks - volledig ekoeld.
Geliek kwam de auto van de melkfebriek en de melk vervolgde de
reis op weg naè de consument. Toen at t melken klaer was,
druktn Labeur op een knopje en de voerbakken wieren evuld mie
voer. De koeien maèkten d'r eigen los en liepen terug de weie in.
Boer Labeur keek z'n beêssen nae onderwiel at ie naèr 'uus liep.
Z'n vrouwe aa de taefel a edekt en onder gezellig gepraat nuttigdn
ze d'r maeltied. Nae den eten trok ie z'n eige terug op 't kantoor
tje - daè was nog vee werk te doen. Ie zuchtn 's toen at n de stae-
pel post bekeek. De overheid steldn aalmaè meer eisen. Daèr aa je
de mistboekouwienge, de melkboekouwienge en aal die aare
administratie daèr a je nie onderuut kwam. Aal verplichtingen
opeleid deur de overheid en dat most de boer aallemaèle doen
nessen 't gewone werk.
'Ier was een officiële brief van de gemeênte mie de mededêling at
er een febriek in dierenvoeding zou ebouwd worn an de aare kant
van de waetergank. At ie bezwaeren aa, most n die maer indienen
voor a de vergunning verstrekt wier. Labeur diendn saemen mie
een milieuorganisatie een bezwaerschrift in, om a ze vondn at er
Noe nummer o
