het dorp. Je mag wel uitkijken. Je hebt nog geen vaste aanstelling.
En als de geruchtenstroom op gang komt, meisje, dan is er geen
houden meer aan.'
'Oh, die praotjes raeken me nie,' zei Meria. 'Trouwens, 'oe mo 'k
dae een ènde an maeken? Deur mie joe te trouwen zeker?'
'Dat zou een goede oplossing zijn. Inderdaad!'
'O, dae kwaem jie voe! Om me dat te vertellen!'
'Ja, dat kun je wel zeggen,' zei Van Aarsen. Ie kuchte en lachte
even asof n d'r stiekem plezier in ao. 'Denk er maar eens over na.
Het is een serieus aanbod.'
Dat waeren z'n leste woorden.
Ie 'oorden Van Aarsen de trap ofgae. Toen wier 't stille. Ie 'oorden
um wiggae. En zie kwaem wee nae boven.
'En!' zei ze op op een toóne van de medeplichtigeid, 'Je ei 't zeker
wè 'oord!'
"t Is een mooi aanbod,' zei n. Ie lachten d'r bie. 'Ik zou 't doee a
'k joe was. Dan bin je onder de pannen.'
'Jao,' zei ze, 'ik za d'r 's over dienken. Van Aarsen is een aordige
vent. Ie is een bitje eênzelvig en eigenlijk een bitje verlegen, 't Is
een ouwen vriegezel en je mot n een bitje oppokeren. Me ver
schillen wè zö'n twintig jaer, dienk ik.'
'Oh zeker wè', zei n. 'Jie kon z'n dochter wezen.'
'Mae ie ziet er nog jonk uut,' zei ze. Ze 'aelden d'r schoeren op en
zei: 'Waerom ok nie! Wat kunnen mien die praotjes van 't durp
schelen!'
Ze giengen saemen de trap of en onderan zei ze, voor a ze de
deure nae 't klasselokaal open dee: 'Jie zwiegt t'r over,ee, wat er
'ier gebeurd is!'
'Natuurlijk!' zei n.
'Jao,' zei ze 'anders weet daoken 't 'êle durp d'r van'.
'Beloofd is beloofd,' zei n nog. En ie docht: 'een belofte aan
Maria mag je nooit verbreken.'