Kunstmaetig vastouwe
En julder dat ook g'ore? Van Van Gelder, den Commissaris, dat n
E mee de Nieuwejaer een woordje dee bie Omroep Zeeland? Net
zoiets as de Kóneginne mee de Kerstdag, mae dan alleên vö
N Zeeland. Je weet wè, een klein preekje eigenlijk. Goed bedoeld
natuurlijk en of me toch zeker nie wille dienke dat de man nie
meedienkt mee z'n Gedippeteerde....
Neê dienkt erom! De Nieuwejaerstoespraek van Van Gelder
stoeng vol mee dienksels. Eerst nog een bitje over de veiligeid - da
spreekt, de klokke ao nog mae net 't millennium gesloge en d'r
waere toch nog wat ménsen ongerust geweest dat er iets zou
sprienge, klappe of poeffe. Dan nog wat wieze woorden - alia, lae
me 't zö mae noeme - over Europa. Over Roosevelt en de Four
Freedoms Awards goeng 't daènae en d'r zat een idee bie vor een
New Deal in Zuud-Afrika. Jammer dat de man d'r nie meer over
zeide - noe bleef 't noga een bitje in de lucht steken vö de meeste
Zeeuwen, dienke 'k. En ook jammer dat Van Gelder in Zuud-
Afrika of Amerika nie vee te vertellen eit, maer in Zeêland.
Pas op driekwart van z'n speech kwam de Commissaris op z n
apperepo. D'r moete volgens 'im meer 'pensioenmigranten' naè
Zeêland komme weune, want die brienge de spiekers mee. 'Ze
beschikken over een riant bestedingspatroon', zeide Van Gelder,
'de pensioenmigranten bezoeken relatief meer culturele activitei
ten en vormen daarmee een zeker draagvlak voor het culturele
klimaat in Zeeland en als het even kan vervullen zij bestuursfunc
ties in maatschappelijke instellingen.' O ja, en ze zurge d'r vö dat t
weuniengbestand iesselijk in kwaliteit voruutgaet, meênde de man.
Ons zeie dan dat die riekelui d'r vö zurge dat de 'uzepriezen mee
die van de Randstad mee naè boven gae en dat de mooiste 'oekjes
grond volgebouwd ore - een 'êleboel kleine 'ofjes 'aodde ze a
opgekocht, die bin impersant zeker op. Mae goed, da's natuurlijk
een verschil in invalsoek. Je moet da breed ziee, of eigenlijk van
bovenaf - net as een bestuurder zöas Van Gelder doet in z'n
Nieuwjaersboöschap. Ie noemt die ménsen trouwens vuuftigplus-
sers - zö vroeg zou 'k ook wè mee pensioen wille gae.
Een bitje raor is ook dat die 'pensioenmigranten' in Van Gelder
z'n ideeën in Zeêland bestuursfuncties zoue moete vervulle. Frisse
nieuwe ideeën bin misschien best 's nodig in bepaelde Zeêuwse
besturen. Mae moete die dan aol komme van rieke, wat ouwere
ménsen mee een randstedelijke achtergrond die ulder vroegere
leven buten Zeêland deurgebrocht 'ebbe? Da's toch wat éénzijdig,
zei noe zelf. Of zoue zukke geslaagde types per definitie de wijs
heid in pacht Da geloof je toch zelf nie zeker!
Volgende chapiter. De Commissaris ei nog meer op z'n verlang-
liestje. Joenge gasten uut Zeêland zoue, vö ulder 'persoonlijke
ontplooiing', meer d'r neuze buten de provincie moete laete ziee.
Goed, mae dan laet de man gliek d'r op volge dat joengere mén
sen van buten Zeêland 'ier zoue moete komme wèrke en weune.
Wat steekt daè noe achter? Oort er minder veruusd in Zeêland as
in de randstedelijke provincies en moet daerom ons migratiecie-
fer daèran angepast ore? As de man zou zeie: joenge Zeêuwen
zoue een goeien opleidieng moete gaen 'aele buten de deure en
dan terugkomme, dan kloenk dat toch wat anders, is 't geên
waere? Neê 'oor! 'In plaats van jongeren kunstmatig in
Zeeland vast te houden moeten we er voor zorgen dat Zeeland
een provincie is waarin het voor velen ook van buiten Zeeland
goed werken, wonen en recreëren is.' Dienkt die man d'r nie bie
deur, dat juust vö joengelui die 'ier opgegroeid bin, 't 'ier in
Zeêland nog vee lekkerder weunt en leeft as vö andere? Wien
Noe nummer o