spant er 'ier een paerd achter een waegen?
En dan kriege me 't. De beeldvurmieng over Zeeland - je ao 't
van Van Gelder kunne verwachte. Waerom komme d'r nie meer
joengere (benee de vuuftig?) naè Zeeland weune en wèrke? Deur
verkeerde en verouwerde ideeën over onze provincie. Wat vó
ideeën at da bin, oor nie gezeid, mae das nie zö moeilijk te
raoien. As je weet dat de gemiddelde Amsterdammer 't platteland
achterlijk vindt en dat in toenemende maete nae dat 't verder van
Mokum weg is, dan moet 't ongeveer zö iets weze. Ménsen uut 't
zuudelijk deêl van de Randstad kenne dan in elk geval nog de
stranden van Schouwen en 't platteland van de eilanden korterbie
- die 'ebbe tenminste nog een soort beeld van wat Zeeland zou
kunne voorstede. Braebanders, Limburgers en ménsen uut
Midden en Oost-Nederland bin op z'n minst 's een keer in
Zeêland op vakantie geweest. Die wete trouwens ook prima wat
as platteland is. Neê, ik dienke dat Van Gelder tevee mee ménsen
uut de gejegente van Amsterdam omgaet. Of zou n 't bestuur
dersvolkje uut Den 'Aag bedoele? 't Is bekend da me leve onder
een taemelijk randstedelijk kammenet dat de 'periferie' agauw nie
meetelt.
Afijn, 'oe at dat verkeerde beeld van Zeêland ook in de wereld
komt, d'r moe kom-af mee gemaekt ore, zeit de Commissaris.
Want d'r moe vee gemigreerd ore en dat krieg je deur een positief
beeld, 't Is meugelijk en 'k wense Van Gelder vee succes mee z'n
veruuspromotions. Alleen jammer vö die joenge Zeêuwen, die
noe net vort moete uut die provincie die as zö'n positief beeld
verdient. 'Oe zou de Commissaris dat wille doee? Kunstmaetig
losdoee? Wegstiere dus? De 'Ogeschoöl Zeeland opheffe? Kiek,
dat miste ik noe net in die mooie Nieuwjaerstoespraek op eên
januari, net nae de millenniumbug die as nie kwam.
Of wacht 's! Kunne die pensioenmigranten op 't moment dat ze
afkomme, ulder weuniengen in de Randstad nie gratis ter
beschikkieng stelle van die aerme joenge ongeletterde Zeeuwtjes?
Ze 'ebbe toch een riant bestedingspatroon, dus dat kan d'r wé af.
En anders gaen ze gewoon nog maèr een stuitje wèrke 'ier in
Zeêland. Een bitje vuuftigplusser moet daè z'n 'and nie vö
omdraoie en wat wèrkervaerieng in Zeêland kan aoltied nog te
passé komme tegen de tied dat er een mooie bestuursfunctie vrie
komt. Of zoue ze dan geên tied meer over om culturêle diengen
te doeen?
