100.000,- en maer een paer 'onderd stiks verkocht a 149,-),
ielk jaer bin d'r centen vo 't Vlaoms Woordenboek dat a ze in
Gent maeke 25.000,- per jaer) en strek komt er ook nog een
Zeêuwse taelatlas (dae vraege ze 200.000,- vo). Stikke-fraoie
projecten en wezenlijk belangriek vo 't in kaort briengen van de
taelkundige riekdom van onze provincie. De wezenlijke, mis
schien wè naebie onschatbaere waerde daèvan, oor pas dudelijk a
de dialecten verdwenen bin, daerom is 't goed at er noe a an
gewerkt oort.
Mae je moe natuurlijk nie dienke a de provincie en aore subsidië
rende instanties genege bin nae zukke bedraegen en zukke projec
ten nóg 's een berg geld te besteeën an andere, kleinere, mae feit-
lijk vee belangriekere projecten. Projecten die a 't uutsterve van de
taele juust kunne vorkomme of in aolle geval kunne afremme.
Projecten die juust nóe a waerdevol bin vo degenen die a d'r vo
zurge a de provincie aol die duiten te besteeën eit: de Zeêuwen.
Neem Noe. Ons dit jaer 2500,- van de provincie g'aod. Dae
bin me ze stikke dankbaer vo, me kunne d'r naebie een 'eêl num
mer (dus duzend stiks) van laete drukke, mae zet dat noe 's af
tegen die ruum 600.000,- an wetenschappelijk werk. Je dienkt
toch nie, dat as ons strek een groots opgezet Zeeuws literair pro
ject zoue wille opstarte, dae nog financiële ruumte vor is? Of as
een toneelgroep mee een Zeêuws theaterstik deur Zeeland en
Vlaenderen wil trekke, as een streektaelband een bijzonder live
project wil doee of een groot streektaelmuziekfestival wil organi-
sere, as 't Vlaemsch Erfgoed in De Groe een taelmuseumpje wil
inrichte, as 't Zeêuws Bureau vo Toerisme een Zeêuwse Taelroute
uut wil zette of as scholen uut aolle dêlen van Zeêland en West-
Vlaenderen een tael-uutwisseliengsprogramma wille beginne, at
daè dan nog geld vor over bluuft? Bèneênt, da zit aol in 't onder
zoek. Daè ka je mee ankomme. Daèvan ka je de waerde vooraf
van antóne om at 't wetenschappelijk belang daèvan vanzelf
spreekt en de risseltaoten voraf dudelijk bin. Daèmee ei je wat te
laeten zien a je op interprovinciaal overleg over de streektaele te
praoten komt...
Erkennienge, daè bin 'k 't mee Cees Maas 'êlemaele over seêns,
moet er komme om a de geweune Zeêuw daè wat an eit (of zou
moeten Ook a is die Zeêuw(se) daè zelf nog nie aoltied van
overtuugd. De geweune sprekers moete d'r iets mee kunne. Leer
ze lezen en schrieven in ulder eige taele, confronteer ze mee échte
literatuur in die taele (en laet ze dan zelf kieke wat a ze daèvan
vinde), geef ze d'r daegelijks nieuws in 't Zeêuws, biee ze écht
toneêl in plekke van platte boerenkolder en leer ze voraol wat a 't
Zeêuws noe feidijk is, wat ze d'r wè en nie mee kunne en waerom
a ze 't an ulder guus mee zoue moete gee. Wa geeft die geweune
Zeêuw, wa geeft 'fm d'r noe om of at er een Zeêuwse Taeladas
bestaet of een streektaalfunctionaoris of een cd-rommetje dat as
kan praote. Praote kan t'n zelf ook. Je moe alleên wè wille luuste-
re. Ee, Middelburg.
Da mocht er even uut. En dan over deze nieuwe Noe: ie stae
optoópende vol mee veraelen en gedichten, d'r is ruumte vo
beschouwiengen van Cees Maas en Jan Zwemer, kunstenaer Kees
van Gilst ei speciaol vor ons gaeve lino's mee Zeêuwse landschap
pen van z'n zoldertje g'aele en Lou Vleugelhof... ellelle, Lou
Vleugelhof! A je zien verael van de keer leest, moe je j'n ogen
soms maer even toe doee; ie weet 't wél te briengen!
'Ebbe je a vernome dat Cees Maas noe ook in de redactie van
Noe zit? Ie kom van Domburg, mae weun noe op Kapelle (nie op
Westkapelle, da spreekt). Om an z'n brood te kommen werkt n as
journalist bie die andere regionale krante, BN/De Stem, en om
z'n vele eiers kwiet te kunnen, is n b'aolve redacteur van Noe ook
redacteur van 't Nederlandstaelige literaire tiedschrift-mee-
Zeêuwse-sause Ballustrada. Welkom Cees!
