Glad anders
Op schoole wiere de diengen glad anders
andere stemmen, nieuwe smaèken,
geluud vanonder de vloer en uut onbekende
windstreken, rooke vanover de Schelde:
een 'oöd wier een hoofd,
daè most je mie denken, nie dienke;
een oóge wier een oog,
daè most je mie kijken, nie kieke;
een neuze wier een neus,
daè most je mie ruiken, nie ruke;
een tonge wier een tong.
daè most je mie likken, niet lekke;
een oöre wier een oor,
daè most je mie horen, nie 'óre;
aolles wier anders:
een vaerke een varken
een paerd een paard
een kachel een veulen
een 'uus een huis,
de guus de kinderen
je vaoder je vader
je moeder je moeder
die bleef eender, gelukkig
anders ao aolles z'n waerde
verloren en was je as een boom
om'ekapt, alleêne 't aesgat nog over.
Lou Vleugelhof
