Zuuzande
't Regent op zeê een 'emel die de zee inweegt. Lauwn dag,
trek naor 't westn weg, mao zonder da geluud! Schelde, lik
een kaftzwartn 'emel. Ik bin trug. Den eên bedienkt onheil, den andern
geluk. 'Oe zou't me vergaon? Pruumbloesem zienkt de zoöjn in.
Den optocht van de lampionn (is vanwege konegin) begint. De muziek
neemt de kinders om den 'oek. Alle liefde daolt op kóperdraogers, op
lampionndraogers, en de vaoders, on'andiger. Ons leevn daolt
in dit ogenblik. Daoboovn vangt een vliegtuug zunlicht da stijgt
en verdwient in een andere lucht. De nacht raokt nachtelijk. Gie trekt de jurk uut.
Wind zuugt an 't 'uus. De Schelde likt den kaftzwartn 'emel. Den eên bedienkt
onheil, den andern geluk. Onder de wilgn ontploft vannacht 't flutekruud.
Meê een lief da zich omdraoit komt 't dekbed los, komt een gloed van tied,
komt een ruus, van daogn, komt een raom op een straote van droómn los.
En droómn we? Ik bin trug. Gie legt j'n eign teegn m'n an. 'Oe zou 't me vergaon?
Frank Tazelaar
Frank Tazelaar ('t Kèrkje 1968) is dichter en directeur van 't Arnhems/Nijmeegs
literatuurfestival De Wintertuin.
