k
in de gaten at n de benzinetank vergeten aa. Geên bezwaer, zö
gepiept. 'Noe kom die tank onder waeter te zitten', zei d'r eên.
'De verbinding mie de motor is nie waeterdicht en dan loopt er
waèter in de tank.'
'Dat doch jie mae, man. Ik bin nie voe niks technicus. Kiek, ik
'ier een vacuumkaèmer d'r in ezet die a'k vuile mie geperste lucht.
En omma dan de druk vanuut de tank groter is as de druk van 't
waèter, kan d'r geên waeter in lópen, mae dat kun julder toch nie
begriepen. Laèt mien mae begaèn, dan komt 't wè goed. Zö sim
pel is dat.'
't Was een 'eêle klus ewist, maer op een keer was Gillis toch klaer
en onder 't oóge van 'eêl de buurte wier de waeterfiets naè de
kaaie ebrocht. Op de glooiege langs de kaaie wier 't apparaat
neerezet. Gillis pomptn de ballon op mie gas uut een flesse, klom
op 't gevaerte, startn de motor en... gedorie - ie ree nog ok. Ie ree
toet in 't waèter, ie schoof nog een paer meter deur en zonk toen
as een baksteen. Mae... zien julder dat? Onder waèter ree n nog
een paer meter deur - 'oe is dat gedorie meugelijk? - toen klaptn
die tegen de steiger, kaptn om en viel in stikken uut mekaren.
Gillis kwam proesend boven waeter en zei: 'Kiek, dat is noe m'n
nieuwste uutvindige, een onderwaèterfiets. Ik mo nog eên en
ander verbeteren, fluitje van een cent en over een tochtje wil iede-
reên m'n waeterfiets 'èn.' 'En 'oe mö me dan lucht 'aèlen?', vroeg
d'r eên.
'Je steekt een slange in je mond en zurg d'r voe a 't uutènde
boven waeter bluuft en daèr 'aèl je dan lucht deur, zö simpel is
dat. En dan fiets jie onder waeter, wacht maer 's of!'
Mie z'n aallen vistn ze de stikken van de waeterfiets naè boven en
brochtn ze terug naè de werkplekke. 'Wanneer gaè je n verbete
ren?'
'Ik mö daè nog 's over dienken, ee. Een paer nachtjes over slaè-
pen, mae noe gaèn ik eerst een luchtauto maèken. Voe 't gemak
van de mensen, ee. A je mie j'n auto over de gróte weg riedt, naè
Rotterdam of zö, zit je toch telkens in de file. Ik gaè daèr een een
oplossing voe maèken. Ik montere een 'oógteroer an den auto en
mie een file vlieg je d'r gewoon overeene. Zö simpel is dat.'
Op een sloperie kocht n een ouwen auto en sleuteldn d'r net zö
lank an toet at n ree. Daèr onder monteern ie een soort stofzuger
die a omekeerd werktn. Deur de lucht die dan tegen 't wegdek
blies, zou den auto naè boven gaèn en vliegen. Wieken net as mie
een helikopter von ie nie nódig: de luchtdruk zou krachtig
genoeg zien. In de polder gaf Gillis uuteindelijk een demonstra
tie. 'Kiek maer 's goed, want mie een vaert van zeker 'onderd
kilometer per uure gaè 'k de lucht in.' Ie starttn, de auto kreeg
vaert, Gillis schakeln mie z'n 'oógteroer, mae wat at n ok pre-
beern, ie kreeg z'n auto nie de lucht in. Toen ree ie maer naèr 'uus
en zei: 'An julder noe vandaège of mergen een auto deur de lucht
zien vliegen, weten je dat dat Gillis is...'
Toen was t'r eên die zei: 'Ik dienke a me 'r even op kunnen
wachtn, want Gillis za t'r eerst nog wè wat an motten verbete
ren...'
