De pannen leie d'r a at
Op 'de Korenbloem' tussen Stroskèrke en de Polder zit een voort-
vaerende boer. Ie ei 't goed geschóte: een keurige mini-camping in
deze toeristische omgevienge, da's een vaste bron van inkomsten.
De boeren 'èn dat 'ard nódig in deze maegere jaeren, dat za geên
méns betwiste, 't Voortvaerende van de bedriefsvoerienge op 'de
Korenbloem' bliekt ook uut 't mooie nieuwe 'uus dat er staet.
't Za een lieve cent gekost maer een ander doe 't ook. Kiek mae
naè de nieuwe weuniengen in de wijk bie 't Meulwegje op
Stroskèrke, een paer kilometer verderop. De 'uzen daer bin
gemiddeld toch wat lillijker as 't 'uus bie 'de Korenbloem'.
Misschien voraol omda ze zö op een propje stae. Je kent dat wè:
diere grond, dus een klein lapje kope en dan een groot kot d'r op
zette.
Mee 't nieuwe 'uus van 'De Korenbloem' leit dat glad anders:
ruumte zatters. Alleên: 't feit dat dat 'uus daer gebouwd is, ei nog
een andere consequentie, 't Ouwe 'uus van 'De Korenbloem' oor
gesloopt. De pannen leie d'r a vor een deêl af. 't Moe gesloopt
ore, weet je. In de Zeêuwse gemeenten is 't over 't algemeen de
regel dat in gebieden mee een agrarische bestemmienge (dus vol
gens 't bestemmiengsplan) bie een boere'of maer eên weun'uus
mag stae. Biebouwe mag alleên as de nieuwbouw in de plekke
komt van een ander 'uus. De plekke 'oef nie 't zelfde te wezen, dr
meuge zelfs eventjes tweê 'uuzen stae. As 't ouwe 'uus mae tegen
de vlakte gaet, dan bin de gemeêntelijke regelneven content.
Zonde, za je zeie. Zukke ouwe boereweun'uzen maeke ze nooit
mi. En slecht bin de meêste toch ook nie. Misschien wat weinig
licht, een ietewatje kouwelijk - maer is 't nie prachtig om te weu-
nen in kaemers die as a meer as 'onderd jaer beweund bin geweest
deur je agrarische voorgangers, j'n eige voorouwers misschien?
'Bliekbaor is t'r toch nog geld onder de boem om nieuwbouw te
pleegn' vertel Piet van Cruyningen, die part-time wérkt vo de
Stichting Historisch Boerderijonderzoek in Arnhem. Piet is zelf
afkomstig van een boere'of, in 't Land van Kezand, en ie vindt t
een slechte ontwikkelienge, dat er ouwe boere'uzen en ook schu
ren gesloopt ore.
't Is van aolle tieden, weet Piet, die in april dit jaer in
Wageningen promoveerde op de geschiedenis van de West
Zeêuws-Vlaomse boeren in de achttiende en de negentiende
eêuw. 'Wat luxer wiln gaon weunn ee. In bepaolde jaorn was t'r
goed verdiend en da woun de boern ook laotn zien. Da was voor
al in de achttiende eêuw zó - toen zien d'r 'ier vee gróte boerde-
rien gebouwd. Kom je op de zandgrondn, dan vin je nog vee
ouwere gebouwen, maor as je in Zeêland een boerderie vindt van
ra O e nummer 7
'De Korenbloem' tussen de Polder en Stroskèrke'
