ge van een Algemeen Beschaafd Zeeuws.
Nou, ik 'eêl wat stukken geziee over die
erkennienge volgens 't Europees
Handvest, mae die term komt er glad nie
in voor. Ook nie iets dat er op liekent en
ook 't gebruuk van Zeêuws in raedsverga-
ederiengen - een uutstuuksel van onze
Commissaris van een paer jaer terug - is
in geen ienkele tekst over de erkennienge
terug te vinden. Dialectvoorstanders die
zuk soort diengen naestreve, bestaen d'r
bie mien weten a 'êlemaele nie. Paul van
der Velde mag z'n eige dus eerst wè 's
beter laete informere vódat 'n lillijk gae
doee. 'Eêl z'n betoog in nummer twee van
't Zeêuws Tiedschrift van 't jaer 2000 is
dus uut de lucht gegrepe. Lucht en anders
nie. Lucht, 'oor je me?
Kind van zeê en land
Ie zit op de rik van de paeren
zö 'oóge as alleêne een kind
op de rik van de golven kan vaere,
een bootje deur weer en wind.
De paeren die dampen en ruke
naè mist. Uut de mist en de slik
kommen beelden naè beelden opduke
een paerd mie een kind op z'n rik.
Een kind dat de paeren mot sturen
van uto en aro en vort
en dat deint op de wisselende golven
van 't jaer dat bloeit en verdort.
Ie bluuft op de rik van de paeren
mie de lienen vertrouwd in z'n 'and
as 't roer op de golven vaeren,
een kind van de zeê en 't land.
Lou Vleugelhof