Vaoder en Moeder
Vaoder was tummerman en Moeder bleef in 't huus
Ze keek achter de joengens en ie was in z'n werk
Maondag toet zaoterdag, maor 'm was kloek en sterk
Om beter te leevn, ie kochte toen zien 'uus.
Een oud 'uus in Steenvoorde en 't was vele te doen
Maor ie vrochte een zundag en miek vensters en deurn
Ik was toen een kleen kindje en stief bliede van te 'elpn
Vaoder was gelukkig van zien 'uus te verdoen.
Moeder was in de keuken tusschen potjes en pann
Den maoltied was op de stove en 't vleêsch was in den oven
Ik spelde mee bitjes 'out die ended in de stoven
Tusschen reuke van 't 'out en van de sausepanne.
Ik was toen gelukkig mee Vaoder en Moeder
M'n broere was ouder en ie leêrd' vele lessen
Me zien nu vele ouder; Vaoder en Moeder rustn
Maor kleenkindjes speeln mee nulder grootouders!
Jean-Noël Ternynck
Uut: Van de Leie toet de Zee, kleene gedichten van Jean-Noël Ternynck. De
spellienge is een bitje angepast an wat a me 'ier in Zeêland geweun zien.
Een paer woorden verklaerd: ended - eindigde. De ou die in West- en Frans-
Vlaenderen as oe oor uutgesproke, schrieve me 'ier as oü.