Vlaanderen leeft!
Nuuze voorouders bloed lopt nog in de Peene
Dat bloed dan me vooln loöpn en die komt van nuuz arte
't Bloed die nuus leevn is, en zo dikkers egeevn
Voor nieeten of nie vele, liek bitjes in een kaorte.
De meneren in Paries èn nuuze taaie verboden,
Taaie van nuuze ouders, nuuze voorouders taaie,
Wuln nie weetn dat Vlamsch is oek een schone taaie
Maor weetn dat Paries is bezzig mee versmoorn.
Vele Vlamingen èn nulder Vlamsch verloorn
Vor een bitje taorte, een plekke in een zetel,
Nu, ze leem Iengelsch azó wel Nederlands
Nulder wettels zien dood of veranderd in nettels.
Maor vele menschen oek, zoün wuln Vlaming bluuvn
De taaie weêre leem van Leie toet de Zeê
Nuuze 'ommel verplantn en nuuze strooie dakken
Leevn in Vlaandern, in Vlaandern die leeft!
Uut: Van de Leie toet de Zee, kleene gedichten van Jean-Noël Ternynck. De spellien-
ge is een bitje angepast an wat a me 'ier in Zeêland geweun zien. Een paer woorden
verklaerd; nuus - ons; wettels - wortels; 'ommel - 'oppe. De ou die in West- en
Frans-Vlaenderen as oe oor uutgesproke, schrieve me 'ier as oïi. y