Vlissiengs Kerstfeest
En mocht jie een of of een 'ofje 'èn,
of een blombak op je stoepe of op je balkon,
en je dao ouwe boernblomn staon of moderne kweekvaorietei-
ten,
een daohlia of een passieblomme, of wa dan oek,
geniet er van,
en geef oek 's een blommetje mee.
Dan ei jie vast een 'êlen...
goeien dag.
Elsa Montenarie
't Is biena Kerstmis
't regent en 't waoit
de Duitsers op 't strand
bin wi gehuld in regenpakke
en ik zit kerstzegels te plakke
op wi zö'n 'Prettig Kersfeest'-kaort.
Dan gaot de bel
ik doe de voordeur ope
en zie een joenge mee de Scheldebode staon
'de beste wensen' en maor 'ope
dat ie mee een paor gulden verder kan gaon.
Trug naor Kerstkaort, tied vö thee
ik luuster eve naor m'n nieuwe kerst-cd.
Dan floepe de lichtjes in de Walstraot an
't Vlissiengs kerstfeest komt eran!
