diek. Ik dienke naemelijk da ze gae losse op t kamp
Jawö, ze kwamme net zo ereë onder an 't ouwe weunwaègen-
kamp, richting 't nieuwe, en de politie was er ok gelukkig.
Oöns stoenge d'r ok geliek bie. Afijn, even een onderzoek
epleegd, 't 'êle spul mee'enome naè 't bureau in Goes. Mae d'r was
gin vuurwapen mi, ee. Neêe, d'r was gin geweer en gin patronen,
niks mi te vinden in den auto. Ik zégge: Dan ze t er uut
egoóid. Dat is normaal bie die mannen. Mae, dan gaè me 't 'aèle,
wan dan weet ik wè waèr a ze dat wig'egoóid Da kan k uutreke-
Me bin d'r om ereë. Een rieve mee enome, daè stieng nog a wae-
ter in de dulve daèr a ik van docht a ze 't geweer in gesmete zoue
Ik zégge: "'Ier bin ze begunne in de berm te rieën, dan een
twintig meter terug ongeveer, dan mot tussen die twintig meter
en'ier da geweer leie".
"Ao, je bin zot", zei René toen, mae ja, die most dat nog 'êlemaèle
lêre. 5
Ik zége: "Dat geweer is t'r, dat me geziee, dus 't mot er weze, dat
is nog a gemakkelijk.".
Mie de rieve in de dulve en de derde keêr, daèr 'ieng 't geweer d r
an, ee. Toen liep ik nog zö in die dulve te schienen, daè was nog a
strómieng en daè stieng nog zö wat te waaien in dat waèter van
onder. Dat was ok nie normaal. Dat was een nylonkouse, daè
zatte drie'onderd patroontjes in. Da beên van die kouse wou mie
die stroom mee natuurlijk. Die patroontjes, die wege en die lagge
op den boom, dus ja, toen ao me gelukkig aolles.
Dat was eigenlijk de leste grote vangst uut mien periode. Dat was
schitterend."
Zö was de jachtopziener gemiddeld drie keêr in de weeke een uur
of viere op pad, ok in regen en wind, want dat is voe d n aore
partij juust eêl goed weer.
Alleen was 't jammer a nie iedereen overtuugd was at n ok echt de
jachtopziener was. D'r was 's een boer die at er an twufelden. De
Kok ao ezeid: "Mo'k belle a'k langskomme?" Dat was goed. Den
eêsten nacht dan belden ie om 'aolf tweee, dat was van zondag op
maèndag, de twidden nacht om kwart over driee en den are keêr
in diezelfde weeke om kwart voe vuuve 's ochends. Toen wist dien
boer goed wie a de jachtopziener was. En oöns wete 't noe ok.
ne. v