De Gróte Wegt Marco Evenhuis Oost-Souburg 'ouw gin buten meer over. Nae 't westen leiti Kanaal, nae 't noorden nae Middelburg toe nog een strookje open gebied van een paer 'onderd meter, nae 't zujen 't ouwe PZEM-terrein en de buten'aeven. En dan noe binnenkort nae 't westen een nieuw bedrij venterrein langs de A58. Wan Vlissienge mag nie achterbluve bie Middelburg en Goes, weetje. En die e ook bedrijventerreinen langs de A58 of bin die an 't anleggen. De Grote Weg, zo as ze op Souburg wè zeie, brocht in '66 a vooruutgang en dat za noe nie anders weze. Welbeschouwd is 't nie eênst 's zövee grond waer a noe bedrieven op gevestigd zulle ore. Mae 't is vo Souburg nog a een belangriek stikje. D'r leie tweê volkstuuncomplexen en een bekende Souburgse groente en kaesboer eit er een kasse staende en kweêkt er groenseltjes in de volle grond. Reden om mae's onder 't viaduct deur te fietsen en via de Ritthemsestraete de Deinsvlietwegt in te slaen. Op den 'oek van de Deinsvlietwegt en de Ritthemsestraete is in september 't mun tje van Janna Puupe geruumd. Agauw een gaeve achtonderd meter in 't vierkant, 't Mense weunt mee 'eur man (een ouwen aerrebeier die van aol 't vroeten in veeste kouwe grond rheuma gekregen eit) in een klein Souburgs kotje. Mee de opbriengst van 'eur tuuntje (een adresje 'ier en een kennisje daer) verdieen ze een bitje bie en ze 'elpt er 'eur dochter mee, die a ziek is. Ze ei nog een paer van die lapjes, mae dat an de Deinsvlietweg was een 'êle flienke en daerom best belangriek vo vrouw Puupe. Nog gin vuuftig meter verder, an de rechtse kant, staet een pront bungaloowtje. 't Za as bedriefsweunieng gae diene vo 't garagebe- drief dat 'ier komt. De mensen die a d'r noe weune, eigenaers van 't uus bovendien, moete daèvo wieke. Ze wete nog nie wanneer a ze gae veruze. Lienks van de wegt leit een flienke berg sukerpeeën. Die lei dae te wachten op vrachtwaegens om ze nae de fabriek te briengen. 't Borretje mee vo een butenstaender onbegriepelijke maeten en ciefers blienkt in de zunne. De gemeênte Vlissienge dienkt nie at 't zö'n vaert za lópe, mae iedereên die a je d'r over praot 'ier in de buurte weet a dien boer ook nie an veruze ontkomt. Steke me weer over nae rechts dan. Éérst een fraoie kas van Van

Tijdschriftenbank Zeeland

Noe. 'n bitje uut 't zuudwesten | 2000 | | pagina 39