Overtuugienge van't geloof in de taelen
Benjamin F. Elson
SIL International is een Amerikaanse organisatie die a z'n eige inzet
vo taelen en taeltjes wèreldwied. 't Is ontstae as een instituut om tae
len te leren, net as LOI bie ons feitelijk. Toen noemde SIL z'n eige
nog Summer Institute of Linguistics.
Die naeme is allank a nie passend mi vo wat a ze aol doee mee en vo
taelen. 't Doel van de organisatie is om mee taelgemeênschappen over
de 'êle wereld te werken an ontwikkelieng van die gemeenschappen
deu middel van taele. Onderzoek, vertaelwerk en zurge a mensen d'r
eige ook op papier in ulder taele kunne en meuge uutdrukke.
Op 't internet vin je een van de resultaten van ulder werk: de
Ethnologue. Das een enorm naeslagwerk mee aollerlei informatie
over meer as 6700 taelen. Een soort taelencyclopedie op 't internet,
zou je kunne zeie. In de versie die a noe op 't net staet, is 't Zeeuws
nog nie opgenome. Mae ook de SIL kan t'r nie meer onderuut: in de
veertiende editie is een plekke vo 't Zeeuws gereserveerd.
De verklaerienge van eên van de oprichters van de SIL, Benjamin F.
Elson, over de doelen en interesses van de organisatie vin je ieronder
deur Jan Zwemer in 't Zeêuws (Walchers) vertaeld.
Vast en zeker bin me d'r van overtuugd dat de taele eên van de
belangriekste diengen is, die as God an de ménsen gegeven eit.
Me gelove dat van de diengen die at den aerd van de méns bepae-
le, de taele 't meêst van aol eige is an de méns. De taele komt 't
kortste bie z'n wezen as méns. Zonder taele geên cultuur en
beschaevienge.
Evengoed is 't onze overtuugienge dat in elke taele 't fiene van wat
er tussen ménsen omgaet, uutgedrukt kan 'ore. Aolle taelen én de
meugelijkeid om cultuur en beschaevienge mee te draegen en uut
te draegen.
Daerom én aolle taelen recht op eerbied en verdiene ze 't om toet
in 't pitje gekend en mee liefde geleerd te 'oren.
Omdat de taele je wezen as méns uutmaekt, 'ange je zelfbeeld en
je gevoel van eigenwaerde mee je taele saemen. Belangstellienge
en waarderienge vor iemand z'n taele, beteêkent belangstellienge
en waarderienge vö die méns zelf.
Aolle taelen verdiene 't om in geschreve vurm bewaerd te bluven.
De taelregels, woordenboeken en geschreve teksten van een taele
bin onderdeêl van de waerdevolle culturêle naelaetenschap van 't
mènsdom.
Elke groep verwante taelen verdien 't om 'eur spraeke in druk te
zie verschienen en om over énige eige literatuur te beschikken.
Taelgroepen die as in een land de mindereid uutmaeke, 'ore de
gelegendeid te kriegen om de taele van 't land te lere praoten,
lezen en schrieven.
I* o e nummer iu