Noe nummer iu
DQ
"D
"Ik bin de man van je dromen. Angenaèm. Bau is de naèm."
Vlak voe m'n neuze kiekt een stevige jongen naè me. Een wit
shirt, waèvan de mouwen d'r wè 'eêl gauw mie op'ouwe. Om 't
wat subtieler te benaèdrukken staè de naèm van z'n sportschoole
d'r op. 't Zweêt staè op z'n vuroód en mie doenkere, loenzende
ogen bluuft n kieke, zonder te knipperen. 'Oe krieg n dat voe
mekaore, wan an aolle kanten knippere d'r discolichten en at er
even niks flikkert en doet, zie je 't in j'n ogen nog aoltied.
Neffen z'n, op zö'n staètaèfeltje waè a normaal esproke allênig een
assiebak staèt, omriengd deur groene bierviltjes, staè een compleet
arsenaal an lege glaèzen, af en toe te trillen van het gedreun van
de muziek. In d'n 'êle disco staè d'r noga vee glaèzen. 't Ao flienk
leven ehouwe een uure 'elee 'ierzö. Daè wazze d'n uutsmijters nog
a beschaftigt mie ewist om dat in toom ten ouwen. En varder is
't waerm, doenker en vee druk. Je ruukt vanaolles. Lichaèmen,
bier, rook en zoete luchtjes van cocktails en zö.
Voe 't evenwicht 'oudt die vent van z'n eigen dromen dien taèfel
vast. In z'n aren 'and een biertje. Voe de dost. Af en toe wankelt
n, wan 't is zó druk op d'oeve da d'r van aolle kanten ménsen om
ons 'eene löpe. En zö stevig staèt n bliekbaer nie. Kan gebeure
mie de zaèterdag. Dan gaè de jongelui, zöas de ouwelui zegge,
ommerst op stap. D'n énen kletst bie mie vrienden en vage ken
nissen, een aren ei 'n spannende date en wee 'n anderen wil niks
liever as dat en zuupt moeed naè binnen.
"'Oezö liek je dat sterk? Wat is t'r mis mie mien? O, je geloof nie
in liefde op 't eêste hezicht. Ja, dat kan natuurlijk. Mae, zak je 's
wat zegge?"
Ie kwam nog een stapje dichterbie. Ik stapten per ongeluk een
gast achter mien op z'n poten. Ik kiek even of a 'k gin schaè an'e-
brocht 't Liekt nog a mee te vaolen.
"O, wacht even", onderbrak Bau z'n eigen. Zonder steun van 't
taèfeltje vroetten die even in z'n broekzak.
"Mö'j d'r eentje?"
Ik kieke naè 't blauwe bolletje in z'n 'and en schudde van neê.
"Toe man, doe noe gezellig! Jie weet nie wat of lekker is! Huh?
Wat zei jie? 'Vrouwe'? Och ja, je bin een vrouwtje natuurlijk. En
wat voe eêntje! Mien best. 'Toe vrouwe' dan! Wor je lekker actief
van, as je begriept wat a 'k bedoele. Geef 's een slokje van die
cola, wan bier vin 'k mie zö'n diengsje niet te zupen". Ie oudt 't
nog een keer om'oöge.
"Jie echt nie?"
Ie neem een slokje en geef 't glas wee trug. Ik wille zachjes an wee
deurlöpe. Beregezellig 'ierzö, mae t leven gaè varder en ik dus
ok.
"Ee, nie wiglöpe, 'k mo je nog wat vertelle. Goeiendag, wat kiek
je vuul. O, dee 'k je piene? Nou, nie zö kwaèd kieke, 'oö. Weet
jie naèmelijk waèrom a ik zö aardig tegen je bin? Da bin 'k nie
tegen iedereên. 'k 't een uure elee nog flienk an de stok ehad
mie eên. Ie gaf me een douw toen at n langsliep. Ja, dat motte ze
nie doee bie Bau, ee! Mae dien gast most toch mooi naè 't zieke-