nuus." Ie staè een bitje te gniffelen bie die gedachte.
"Mae, waèrom a ik zö aardig bin. Nie lache ee, mae da doe 'k...",
ie kruupt noe bienaè in m'n oore, "echt nie lache ee, om je plat te
kriegen."
Naè m'n net zö spontane reactie schaètert n 't uut van 't lachen.
"Wat! Dat lukt me dus écht wè ee! Ik kriege aoltied m'n zin.
Aolle meidjes vaolle voe Bau. Geef me een kwartier en je smeekt
of a je asjeblieft bie me mee mag! Wat staè je noe te lachen! Bin
'k grappig of zö? 'k Bin eêl serieus, 06!"
"Kom maer 's 'ier. Dan za 'k je laète voele 'oe lief a 'k bin. Voel je
't? Nounou, 'oef je me gin douw te geven. Ja, ik zie inderdaad da
je cola in j'n 'and eit. En nee, ik gfn idee wat of je daèmie meer
kan doeë as opdrienke. Je mö nie zövee lulle."
"Kom 'ier, dan gaè'k even lekker vanachter tegen j'anstaè. Lekker
ee!
"Aïe, 'ouw noe toch 's op mie dat gedouw. Da's nie lief van je.
Kom 'ier, dan maèke we 't wee hoed. Ze zegge nie voe niks dak
magische 'andjes ebbe. Wat docht je 'ier van... wel gotsterü!"
De cola druupt van z'n vuröod. Ie kiekt as een uul op een zieeke
koeie. Dan begunne z'n ogen te foenkelen. Ik vraège me achter
dochtig of, of dat blaeuwe pilletje z'n eêsten en z'n ênigsten was
dien aèvond. Me knippere noe aollebei nie mi en kieke allebei in
mekaores kwaèie ogen. Bie z'n slaèpe klopt een bloedaere. Ik ver
beelde me da 'k viengers 'oore kraèke.
Dan schuuf de jongen in beeld die of 'k op z'n tenen was ge-staè.
"Dames, heren, 'k geloöve dat 't zö leuk genoeg 'ewist eit". Ie gaè
pal voe Bau staè. Die z'n ogen spieë alleen mae meer vier en ie
prombeer opzieë te stappen om dat misje 's de les te lezen. Mae
de jongen schuufel aoltmae percies den zelfden kant op en kiekt
even achterom om een seintje te geven da 'k voe de zekerheid uut
de kant mö.
Ineens löpe d'r gin ménsen mi verbie. 't Staè aol stille. Een onge
makkelijke stilte onder de boemboem-muziek die a gewoon deur
gaèt. Bau zet z'n bost vooruut en je ziet n diep inaèsseme deur z'n
neuze. De jongen praot tegen z'n en prombeert n richting de bar
te douwen zodat n een biertje kan tractere. Mae je zet Bau zömae
nie opzieë. Ie geef die jongen een douw omdat n d'aore kant op
wil, naè die rotmeid die at n noe even nie zie staè, mae die a vast
nog ergenst staè te kieken.
Geliek staè d'r nog tweê onbekenden klaer om Bau tot bedaeren
te briengen. Een vierden kom an'elope en vraèg opgefokt, z'n
'anden a tot vuusten eklemd, intussen naè Bau kiekend, of a 'k
problemen Ik susse dat n net wiggoeng. Da doe ze in films
ommerst ok aoltied. Ze boezenere Bau naè de bar. 't Liekt wè een
cordon. A de jongen mie de zere tênen gespreksstof evonden ei
mie Bau, vast de sportschoole, bluuf de rest van 't groepje tussen
um en mien staè. De goegemeente is ok wee tot leven ekomme en
d'r wor nie ml op oöns elet. Ze drienke een biertje an de bar. Ik
kriege zelfs een nieuw colaatje.
Naè een kwartiertje kom Bau mien kant op ewankeld.
I"
Noe nummer