Noe nummer 11
Aolleman z'n eige weer, zeie 'k aoltoós.
Aiaaiaaie... noe moe'k me even sjakes 'ouwe.
Zag je 'oe as dien keek?
Tja, ik moet ze 'ier nie vö de voeten lope, anders kan 'k opsoppe.
Meêstal eit zie daè a een sopje gerêêd staende.
Waèr 'k noe m'n neusdoek?
Neuze nè de bliksem nog ook, anders...
Waèr 'k die verrekte neusdoek noe gestoke?
Ah, 'ierzö.
Waerm 'ier, ee?
As 't 'eêt oort... Neê, neê, te 'eêt moet 't 'ier nie ore... Telefoon!
Ik bin d'r nie!
As 't vö mien is, bin 'k er nie.
'k Weete nèrgensten van!
Ik ze nie is zie leie... moogde'r nie bie.
Z'èn 't aol tegen me moete vertelle.
Wezenlijk, dat meisje ei mien uut de bus g'ollepe.
Dan voel je 't daerom kriebele, oor. Begriep je wè?
Dan kriebelt 't nog, joengers.
Waè moe je naè toe, vroog ze!
Waè moe je naè... Zö'n lief stemmetje... Mwaaaaoo!
Ik ao den an stikken moete kraeke!
Dat ao 'k moete doee. Z'n karkas vö de meeuwen!
Verbooie èn ze me om daerover te praoten. Ongekend!
As ik m'n smoel d'r nog over open doee, moe'k betaele. Ja, ikke!
Die goddeloze brokkepilööt! Vliegezwammer!
M'n neuze!
(kiekt) Wien bi jie dan, me kind Nie die van...?
Jie bint er toch eêntje van... mien uut de bus g'ollepe.
Jie bin toch... das toch je moeder, ee?
Dikke Leida, zeie z'ier.
Loopt ze weg.
Ee, wacht 's. Wacht 's!
Let mae nie op mien, vent.
Aol-an tolt 't in m'n kop.
Ik zien diengen die as t'r allank a nie mi bin, begriep je?
Mae mien eit ze op de stoepe g'ollepe en naè d'overkant... en
weg, ee.
Ee, wacht 's. Wacht 's! 'k Ao ze wat wille gee... moet ze weglope.
Terug naè Leida.
Ei je d'r 'ier nog^eên wat zei je?
O ja, 't staet vö je neuze, lul'annes!
