Koken kunnende
De wind
Bas van de Velde
Joenge man nog,
nie aerm, nie rieke,
i.b.v. riebewies en
meestentieds schoon goed,
toch taemelijk kunnende koke
(geleerd van buure,
a moeder bie moe Jaone
logeerden vanwege vaoder)
z.k.m. degelijk misje,
nie dikke, nie dinne
30 jaer toch minstens
en as 't kan ook fan
van Metallica of zö
en as dat nie zö is,
dan is 't ook wè goed
eigenlijk. Meer moet da
toch feitlijk nie weze.
Noe nummer
Jan Zwemer
komt 's naest me zitte
en luustert 's mee
nae de wind in de bomen
die ziengt zö tevree
mee zwiegen en zwellen
komt n vertelle
mee ruusen en stoöten
mee draoien en keren
komt n de bomen
nederigheid lere
'ik buge den een
en den anderen kraekt
zogauw as mien aesem
de krunen mae raekt
ik spuge in 't vier
en 't mènsdom schreeuwt brand
of ik jaege de waeters
uut zeê over 't land'
soms zachtjes en stille
of kwaedaerdig en kille
uut den oosten, uut 't westen
mee draoien en keren
komt n de ménsen
nederigheid lere