'n Voorjaorsdag
M.J. van Leeuwen-Hamelink
En ze kaptn de soepe, een kruppe spek, petaten en groente en een
'alve flesse gortpap d'r boven op. 'Ziezo. Vieze verkens worren nie
vet. Ie vreet 't maer op. 't Kom toch aalles bie mekaren in een zak
en noe kan ik of gaèn wassen...'
En zö kan 'k nog even deurgaèn mie vertelsels. Een andere keer
misschien. Mae a je me nie gloven wil: 't is eerlijk waer! 't Is waer,
is 't geen waer?
Da kan je zoo 'ebn, een dag vroeg in 't voorjaor
Mie nevel en mist, waor a je ook kiekt,
't Is overa' gries, de lucht en de boómn,
Geen kleurn te zien, tenmiste, zö liek 't.
Mao dao in m'n tuun komn kleurn nao boovn,
Van vroege krokusn, blauw, geel en wit,
En 't gries da 'oor geel, en ik weet dat dao achter
'n Straolende zonne op deukomn zit.
Dan breekt de bewolkieng, de zunne gao gloein
De kleurn 'oom 'elder, 't 'oor buutn een feêst
Van ziengende veugels en bloeinde boömn,
Een verrukklijke weldaod voe mens en voe beêst.
