Waotertoorn
Noe nummer 11
Charlotte van der Wiel
Donk're wolken pakn zich saomn
Boovn de waotertoorn va Terneuzn
Asof ze't mie m'n eens zien.
Mao ze zien a te verre mee 't afbreekn
D'r is geên weg meêr trug
Terneuzn is z'n eign in 't nieuw an 't steekn.
Flienke wolk die ta noe nog tegen'oudt
En zelfs dan is 't a te laote
D'r wor toch wè 'n nieuwe woontoren
gebouwd.
'k Zan 't eêuwig zonde bluuvn vindn
Zö'n baken van de stad
Zó ondankbaor afgebrokkeld
'k èn meelij mie 'm g'had.
D'r stao geên steên mêer overènd
Van z'n trots is niks meêr over
Voo de waotertóren is 't ènd.