In nette staet zangzaed
Te koop in nette staet:
shovel mee zangzaed
imperial vo rubberboot
bosgrond, een koelkasse
rood of afgezet mee bont.
T' 'uure in goeie staet:
waetertank en waesemkappe
worteldoek, poeslappe, eiken
eet'oek, klop'aemers, en an
volle zeêë studentenkaemers.
Te koop gevroge:
kunststof vaeten, zwarte bessen
zangeressen, ecru cupmaeten en
containers ingericht vo paerestal
of een Biedemeier muzeval.
In nette staet angebooie:
bruidsjurk en veugelkoóie
een fietsstoeltje vo voorop
cursus ontwurmen en ontvlooie
moeren, bouten en k'naries (ok pop).
Kom noe nae et scooterpeleis mee
compressors, een droomreis kom
dan Elstarappelbómen rooien
onder de antieke zonne'emel van
mien dompelpompenparedijs.
