N o e
nummer 11
Nae Neufchateau volgt in Florenville een nieuwe ramp: de anda-
louse-sause op de friet van friterie la Crombire. 'Wien èt da
opgespoogn?' vraegt Jan z'n eige 'ardop af. De bazinne lacht
vriendelijk, mee veezeggend. Amaai mae wi!
Vuuftien kilometer verder riee me Frankriek binnen en lieke me
bots op weg naè de grenzen van de meugelijkeden op 't gebied
van genetische veraermieng van 't mensdom. Mensen mee een
bitje zicht op een bitje toekomst, bievobbeld mensen die a d'r
naeme kunne schrieve, bin 'ier de buurte a jaeren gelee ontvlucht.
Wat a overbleef, is mee mekaore gae trouwe. Dat ao ze beter nie
gedae.
Gelukkig ore onze vooroordêlen tegenover de locals a gauw de
grond ingeboord, 't Bewies van 't bestaen van intelligentie op deze
planeet is 't tankstation nest de supermarkt van 't stadje
Montmédy. 't Wienkeltje dat at er bie 'oort is in tweêën gedeeld.
Pal achter de deure ka je ranzige porno-bladjes köpe (d'r zat niks
tussen dat a me nog nie 'aodde), d'r is olie en anti-vries en je kan
t'r je benzine afrekene.
A je dan langs 't kaemerschermpje stapt, kom je in 't andere deel
van de zaak. En daè bliekt dat 't paradies op aerde vo alleênstaen-
de diesel- en bierminnende mannen bestaet: een benzinestation
annex café! En nog porno-bladjes op de koop toe! 'Ier leest de
werkmens z'n lectuur, drienkt een glasje en discussieert over olie-
peil, vrouwelijke rondiengen en voetbaluutslaegen. Amaai again!
De eigenaer mee z'n waeterige puutögen soenkelt zö achter z'n
toögje 'ins-en-de-weer da je zou dienke dat n elk moment neer
Neufchateau, mee rechtsachter 't cachot van Dutroux.
De Maas doe z'n besten: ie is nae zö breêd as de Westerschelde.
