Frites-fromage op 't martplein van Virton.
kan stuke. Ie 'ouw bliekbaer wè van een slokje benzine op z'n
tied. Of mazout, a dat goedkoper is.
Me komme langs de Maas die a 'ier in dezen tied van't jaer meê-
stentieds wè breêër is as anders, mae noe overdrieft n toch: de
Westerschelde bie Bresjes is t'r niks bie. Ménig durpje stae blank
en d'r vaere bootjes deu bogerds om toch mae bómen te kunne
snoeien, 't Is mae een raor idee a aol dat waeter 'ier uut
Lotharingen strek deur de Limburgse Maasvallei en langs de
Betuwe moet. Bliee a 'k in Zeêland weune.
'Onderdduzenden bunders waeter laeter komme me langs de
Maas en de a net zó volle Chiers Belgie wi binnen. Me gae gaen
eten in 't grensstadje Virton. Naebie net zó lillijk as Neufchateau,
Noe nummer
mae angenaemer. D'r 'angt 'ier meer vojaer, meer waermte en
meer carnaval in de lucht. Dat leste bliekt, op een dag nae, zelfs
letterlijk: zöas op zövee plekken in Belgie en Luxemburg viere ze
carnaval 'ier nie an 't begin, mae 'alverwege de vasten. Das lekker
vasten op die maniere. Jaet joen, 't rieke Roomse leven...
Iets minder Rooms bin onze uutlaetiengen a me onze pizza geser
veerd kriege in restaurant Romantica. Een etablissement dat a in
een achterafstraetje van Neufchateau nie ao misstae. De eigenares
se is een vrouwe van de streek. Ze ei d'r kop angepast an 't regen
seizoen. 'Eur waeter'oód spreekt boekdêlen.
De pizza die a me op ons formicataefeltje-mee-plastic-blommen-
mee-spinnestront opgediend kriege, is nie van gister. Dan ao den
naemelijk nog wè gesmaekt, misschien. M'n meeliee mee m'n
eige is in eên klap duzend keer zó groot as dat mee de Franse
mensjes mee natte voeten. En terecht, peins ik.
Me aodde 't kunne wete: op de deure van restaurant Romantica
stoeng de uutnódigende mededêlienge 'wegens gezondheidsrede
nen tijdens lunchtijd gesloten'. En ons mae dienke a dat was om
at de bazinne zó ziek was da ze overdag d'r bedde nie uut kon.
Me waere uut compassie mee 'eur (en zucht naè avontuur) naè
binnen gegae. En noe bliekt a dat borretje d'r 'ieng om ónze
gezondeid te spaeren!
Ze zeie toch wè-r 's da je iets zó beu as gespoge spek kan weze?
Bènoe, me wete noe 'oe at 't smaekt. Tenminsten, 'oe a gespoge
spek van een overjaerige zeuge mee MKZ én BSE smaekt at 't