opgediend oor op een naebie rauwe bójem van zuur g'ore deeg.
Onze pizza smaekt zöas de bazinne d'r uutziet. Nie dus.
Op 't martplein van Virton 'aele me de schaoi in. Me bestelle een
frites-fromage, een streekspecialiteit die a ons beeld van de buurte
gliek in 't positieve doet deuslae. Frites-fromage. Alleên de naeme
a. Maer an de aore kant, naè zö'n pizza mortuaria smaekt aolles.
De volgende ochend is 't weer a tied om op 'uus an te gaen. En
da doee me dus nie. Nie vodat me nog wat Fransen an doodlo
pende weggetjes d'r dag goedgemaekt deu op ulder garagepad
onze voiture te keren. Je moe die mensen tenslotte ook d'r verzet
je gunne. 'Ier gae nog generaties over naegepraot ore, moe je reke-
ne. Aol-an geve me een durpsoudste een Noe om onze vreêdzae-
me bedoeliengen te tónen. Of a m'n spiegels en kraeltjes uutdêle.
De terugreis begint mee een tas koffie in een Ardense chalet, een
gebouw dat a in Beieren nie zou misstae. Iedere vriedag en zaeter-
dag ze daè levende muziek, vaolt op de deure te lezen. Op 't
moment is t'r weinig levends an, b'aolve de pronte blonde doch
ter van de bazinne die a mee 'eur tweê meter en tweê'onderd
pond een aollesb'aolve dooien indruk maekt. Butendien comple
teert ze 't Beierse beeld dat a me buten a van 't café 'aodde. Om
'êlemaele in de stemmienge te kommen, bestelle me tweê 'aolve
liters bier en dreige achter 't keyboard te gae zitte, dat a is bluve
stae van de zaeterdag. De bazinne vindt 't daè wat vroeg vo en ze
ei nog geliek ook. 't Is negen uren in de morge...
In 't benzinecafé van Montmédy
De terugreis verloopt taemelijk voorspoedig en vee rampen me,
naè de mond-en-klauwzeer-attack an de grenze, Dutroux in z'n
cachot, Neufchateau an sich, een frites-andalouse, een over
stroomde Maas en een BSE-pizza, nie ml g'aod. Of 't moe 't suïci
dale verkeersbord weze dat a juust vor onze neuze besluut z'n kop
tegen 't asfalt te gooien (keurig stikje autorieën van Jan van B.), of
't broodje kroket op de boot dat a 'erinnert an 't aevendeten van
de vorigen dag, of de bus naè Souburg die in den draoi bie de
PZC 't paeltje op de vlucht'euvel meeneemt.
Of de wekker van de volgende ochend die a pienlijk dudelijk
maekt at er wi gewerkt moe ore. Ook a is t't dan den eênentwin-
tigsten maerte. Ook a begin vandaege 't vojaer.
Rond ielke weie stae 'ekkens. 't Oor tied a die koeien dat 's lere.