Bitterzoeete
Bitterzoet
Noe nummer 12
(vert. Engel Reinhoudt)
bitterzoeete bitterzoeete
mie een minneliedje za 'k je groete
eens za t-'t j 'n óren zegene
zachtjes tegen je blinden regene
fiene druppels die a zienge
de wind die za t-'t bie je brienge
lispelend za t'n je paaie en love
oor je 't
luuster, in aolle 'oven
speelt de wind een ragfien wiesje
bitterzoete, een liefdesliedje
woorden?
woorden neê die bin d'r geêne
't 'arte onrustig en alleêne
klopt zachter, klopt 'êter
bitterzoete en zoete bitter
as aesem fluustert 't zö licht
je naem in letters toet gedicht
'ou j'n aesem in m'n lieve kind
proef de regen, 'oor de wind
voel de spetters, voel de gloed
bitterzoeete bitterzoet
(vert. Frie Verbrugge)
bitterzoet bitterzoet
proeft mien kleine minnegroet
zat ie in joen oren driengn
en as fiene druppels ziengn
ziengend reegnen an joe blindn
za je 'm 'óren as de windn
vleiend om joe 'eene waorn
'oor je 't?
'oor, op spinragsnaorn
speelt de wind joe tegemoet
bitterzoet mien minnegroet
woordn?
woordn zien d'r geen
't 'art onrustig en alleên
klopt noe zachter, klopt dan 'êter
bitterzoet en zoet en bitter
fluustert licht as d'aosem voo z'n uut
dan klienkt joe naom zonder geluud
liefjen, 'ou joen aosem in
proef de reegn 'oórt de wind
voelt de druppels vang mien groet
bitterzoet bitterzoet