'Nou tante, dat was een zwaere bevallienge', zeide 'k onder 't
'anden wassen. Gommertje stoeng a naest me mee een 'anddoek.
'Joengen toch.' Tante kleurde d'r van. 'Zukke diengen zeie me 'ier
nie.' Ze schudde d'r knotje en pakte den 'anddoek wïr an.
Wezenlijk - 't leeken wè een bitje asof de lucht uut m'n sokken
wat minder was.
Opgelucht praotte en luusterde 'k verder. De grootste zurge van
de leste tied bleek 'ier te wezen dat Kees op 't internet zat. De
joenge Kees tenminste - m'n neef - en ome Kees kon d'r nae
maenden prakkezeren en vraegen nog aomae geen kop of staert
an kriege wat at dat noe precies was, internet, 't Ergste van aol
was dat ze 't van de kèrkeraed ook nie wiste of 't noe moogde of
nie.
Eigenlijk woue ze nie èrg gelove da 'k ook nie vee van internet
afwist - in elk geval nie genoeg om ulder uut de brand te 'elpen.
Onder 't praoten keek ik nog 's goed rond. Ja zeg - nog aoltoós
dien ouwe kast van een radio. En die balastore 'ieng ook nog an 't
raem. Verkrumelde dat papier dan nie in vuufentwintig jaer tieds?
Wat weunde ze 'ier eigenlijk toch knus en tevree op ulder pantof
fels en in 't zicht van den diek mee daerachter de masten van de
bootjes op 't Deppelse Diep.
Kwa, 'k zou maer 's gae - want 'k wist uut ervaerieng dat 't 'ier op
zaeterdagaevend a een bitje zondag wier. Sabbat, zeide ze in
Deppel.
Neef Kees zou wè an 't surfen weze, docht ik bie m'n eige. Op
internet.
k Zou 't ook doee a 'k in Deppel weunde - of zeide ze 'ier 'op
Deppel'?
Tante Gommertje zette m'n schoenen vö me gereed.
Aie, daè zeide 'k toch naebie een lillijk woord. Noe kon 'k toch
werasjes nie ml in m'n schoenen. Bliksores: die proppen pleepa
pier op m'n tenen...
Mee vee piene en moeite kreeg 'k m'n Iedere vrienden op den
duur an - angemoedigd deur een meelevende tante Gommertje.
'Dat ao je broer noe vorig jaer ook.'
Dat za wè.
Mee een breêe zwaoi naer oom en tante was ik weg. 'Goeie zon
dag'.
Toen a 'k 't wonderschone Deppel uutree - m'n blóte voeten in
m'n schoenen - kwam dat vèsje van Gerrit Wolschaap (of was 't
noe Jan de Wilde?) wlr in m'n gedachten.
D'r bewéegt niet véél in Déppel Heel sóms de torenhaan'
De toren'aene? Welken dan, eilieve? Volgens mien 'aodde ze d'r in
Deppel minstens zevene...
Jakkes, wat meurde die sokken op den achterbank, 'k Ao ze beter
in de kofferbak kunne gooie.
Toch 's vraege an m'n broer.
Noe nummer