ae mo je
dwas deurene'
J
Noe nummer 12
a>
O)
TJ
0)
k_
Kommend over d'Oesterdam of over de
brugge uut Braebant wor de bezoeker ver
welkomd deu een bord liengst de wegt:
'Tholen, daar kun je niet omheen'. De
tekst is bedocht in de jaeren tachtig toen a
iedere gemeente die at een bitje mee wou
telle in de regio, z'n eige op de kaerte zet
ten. Naemsbekendheid was belangriek.
Profileren, in goed Nederlands. Voora om
bedrieven an te trekken. Amsterdam heeft
het, Rotterdam doet het. In die geêst.
't Vreemde van dat bord is da je vor een
voldongen feit staet: a je de tekst leest,
dan bin je a op Tholen. D'r om'eene kan
je dan inderdaed nie meêr, mae 't is
netuurlijk ok figuurlijk bedoeld. Ik most
er an dienke toen a 'k las over 't
Zeêlanddebat. 't Gieng erover of de ver-
bindiengen in en nae Zeêland verbeterd
motte worre.
Gedepeteerde Van Zwieten vertélden in
Goes dat n, at n op Tholen kwam, d'r aal-
tied verdwaelt. Op 't afrieën van
d'Oesterdam most n lienksof of rechtsof,
rechtdeu kon nie. De bestuurder ziet
daerom een dwasverbindieng tussen
d'Oesterdam en de Philipsdam wè zitte,
zeide n. Ok aore deêlnemers an dat debat
vonde dat er nog wè een reêpe asfalt bie
kon op 't eiland of da de boel in ieder
geval beter angegeve most worre.
Gespreksleidster drs. N. Ginjaar-Maas
stooktn 't viertje nog een bitje op deu te
stellen da je beter nae een dool'of kon
gae, as nae Tholen. En de Thoolse wetou-
wer Heijboer wist warenteg te vertèln dat
er a een stippellijntje tussen de twee dam
men getékend stieng op de plankaerte vor
het project duurzaem veilig verkeer.
Mae motte we die kant wè op? Mot er
noe nog meêr ontsloten worre in de tied
van de cruise-control? We èn d' Oester-
en de Philipsdam a. D'r léggen bruggen
tussen Tholen en 'Altere, tussen Oud- en
Nieuw Vossemaer, en tussen Flupland en
Steênbèrge. En in de zeumer kun je (op
de fiets of lopes) mee een pontje van
Goris'oek nae Yesen en terug. Wordt 't
noe juust geen tied om 's te verdwaelen?
As tegenwicht tegen 't jachten en 't jae-
gen? Is da noe juust nie 't antrekkelijke
van Tholen? Rust en ruumte m'n a, zei
't VVV. Noe ka j' er ok nog es lekker ver-
dwaele. 't Ont'aesten van de gestresste
tweêverdiener uut de randstad kan ommes
'ier beginne: an 't afrieën van
d'Oesterdam of de Philipsdam.
A die stippellijn van Heijboer asfalt is
geworre, dan mot er een nieuwe bord
komme: 'Tholen, dae mo je dwas deure
ne