ken zien me eigenlijk alleên maor koffiedik uut eigen filter.
Toch óren die misverstanden te pas en te onpas uutgekraoid. Deu
sommige politiekers en kranteschrievers. Luusteren en kieken jud
der moar 's naor al da gedoe rond de 'erindeling van de zeven
gemeenten van Zeêuws-Vlaonderen.
A je een bitje wakker ben en langer as een 'alve minuut nao-
dienkt, zie je da 'eêl Zeêuws-Vlaonderen d'r in alle opzichten bie
gebaot zou zien, as 't een meer eensgezind land zou zien. As 't alle
krachten bie mekoare zou briengen. Messchien zouen we dan
meer van onze kinders kunnen vast'ouwen in onze streek en
udder voldoende werk kunnen geven. Messchien komt d'r dan
be'alve economischen oek we culturêle welvaort en zó.
Maor a 'k de krante lezen, liekt 't of a d'r vreêd weinig mensen in
Zeêuws-Vlaonderen langer dienken as een 'alve minuut. Om eer
lijk te zien, da gelóven ik eigenlijk zelf nie. Mao van de mensen
die naodienken 'aolen de meêste nooit de krante. Wie an de kran
te tegenwoordig dikkels wel 'aolen, dat ben d'r nogal wa die a
zweren bie Zeêuwsch-Vlaonderen. Judder weten we, van da retro-
volk. Achteruutkiekers mie oogkleppen ter grootte van mendeu
ren, die a 't vroeger aomao beter vonnen en noe nog altied alleên
mao mee udder eigen volkje bie mekaore willen krupen. Die a
vinnen dat andere mensen mie andere levensovertugingen en
andere afkomsten de boze butenwereld bin waor-a zudder niks
mie vandoen willen 'en. Die-a vinnen da de diengen moeten blu-
ven zoas a ze altied waoren, of da de diengen moeten oren zoas
het was, althans, zoas zudder dienken dat 't gewist is.
Ik zien de kouwe grond waoruut de Zeêuws-Vlaomse 21e eêuwse
multiculturêle saomenlevieng moet gaon groeien...
Ik zien noe in Zeêuwsch-Vlaonderen zeven gemeênten:
- Oósburg wil Biervliet d'r bie, op 'historische gronden'.
- Sluus-Aerdenburg roept, dat er geên mens in Zeêuws-
Vlaonderen, laot staon in de rest van de wèreld, begruupt dat
Sluus 't liefst z'n eigen boontjes dopt. En mie vee toeters bellen ze
dad uut.
- Terneuzen zegt mao niks, wan wat a Terneuzen oek zegt, 't valt
toch ergens verkeerd.
- Axel en Sas van Gent giengen in de voorwaortsen verdedigieng,
omda ze niet deu den 'ond en deu de katte gebeten wilden oren.
- 'Ontenisse ei z'n eigen d'r gewoon bie neergeleid.
- Alleên 'Ulst is een biezonder geval. Ik vinnen nog altied dat er
in 'Ulst vee verstandige mensen wonen. Mao de leste maonden
ben d'r toch een paor aorige monden open gegaon, die d'r van
uutgaon da bestuurlijke macht en pólitieken 'oudgreep belangrie-
ker ben dan bestuurbaor'eid en algemeên weizien: 'Ulst roept da
de Koewacht altied a bie 'Ulst 'oorden, en maokt daor voo 't
gemak maor van da Zuuddurpe en den Overslag natuurlijk oek
altied al bie 'Ulst 'oorden. Laot die durpen noe de leste dèrtig
jaor bestuurlijk deêl uutgemaokt 'èn van de gemeênte Axel! En
oek voo de rest van de afgelopen tweêduzend jaor is die bewering
uut 'Ulst alleên mao gebouwd op een bitje geschiedkundig
Noe nummer
