'Die gaen pas wèrke as ze gae roke'
trekker-trek. 'Zö een Fiat die a je net zag. Da bin zömae een stel van die
gastjes 'ier uut Aegte. Die sleutele's aevends wat en die komme nog een
ènde in't klassement. Da's gaef ee...'
Behalve't zicht en't geweld van de PK's bliekt dat vö vee ménsen uut 't
publiek mee te tellen: ze kenne eên van de deêlnemers. Eén van de
sleutelkampioenen die soms een doodgewoon trekkertje 'ebbe wete op
te voeren toet een monster van kracht. Zeker in de laogere gewichts
klassen komme zukke hobbyisten goed van pad en wete ze de zwaere
sleepwaegen zonder moeite over de finish te sleuren, 't Gewicht op de
sleepwaegen verschilt bie elke gewichtsklasse en 'oe korter as de trekker
bie de finish komt, 'oe meer naè voren at dat gewicht schuuft. De pupen
op de trekkertjes braeke rook, de motoren zette an... Den eênen 'aelt 't,
den anderen moe stoppe. 'Kiek', vertelt Kees Melis en ie wiest naè de
baene. 'Zö een Fiat is a vuufentwintig jaer oud, dat waere in die tied a
geweldige diengers. Noe rookt n nog niks ee. Laeter pas. Die gaen pas
wèrke as ze gae roke. Die ouwe diengers die 'ouwe lank vol.' En zöwaer
- pas op 't leste deêl van de baene komt de motor van de Fiat goed toet
z'n recht. De Sobeco-Fiat wint in deze klasse. 'Den oudsten van aol',
weet Kees te vertellen. 'En da gloednieuwe trekkertje, dat oor vuufdes.
Dat zei dus niks ee...'
Kees vindt die ouwe trekkers vee leuker. 'Die kun d'r eige vee meer
bewieze, ee. Die omgebouwde, die specials mee die vliegtuugmotoren,
da gae zö vérre... Da's butengewoon stérk, die én 'ier ook 's een sleep
waegen in de vernielienge getrokke... Ja, noe én ze natuurlijk een
beteren, 't Is 'ier op Aegte in de loop van de jaeren 'eêl wat
professionêler g'ore.' 'Eêl wat drukker en bekender ook: zövee volk as
deze keer is t'r nog nooit geweest op 't terrein an de rand van de
Pekelienge. De organisatie eit zöwaer deêlnemers af moete zeie.
D'r waere meer anmeldiengen as dat er plekke was.
D'r komme trouwens ook aomaè meer plekken daè as een stel ménsen
trekker-trek organiseert: op Tholen, in Axel, in 't Kèrkje en op nog een
plekke in Zeêuws-Vlaenderen, van 't jaer vö 't eerst ook in
Schrabbekèrke. En dan bin d'r nog de officiële wedstrijden in Kapelle, die
I noe nummer 13