vanuut de landelijke organisatie, de MTO g'ouwen ore. Glad andere
koeke, a je Mart-Jan Maljaars en Joan de Visser mag gelove. 'Da's meer
sport as hobby. A je bie een organisatie riedt, bie de MTO dus, bin je
af ankelijk van sponsors - zövee kosten ei-je dan. Mae dan moe je vö die
sponsors ook wè twintig keren op een jaer riee, deur 't 'êle land. Die lui
sleutele een 'êle weke om in 't weekend een keer te rieen. Dan is dat en
dan is guntverslete, weetje...'
Mart-Jan en Joan rieen zelf in de 'boereklasse', zöas ze de trekker-trek
van Aegtekèrke en de ander on-officiêle wedstrijden noeme. 'As ons
gewoon riee, dan me weinig an onze trekker te doeen, vöda me een
volgende keer wl meedoee. Bie ons sliet er nie zó vee.' Een keer of vuuf,
'Die gaen pas wèrke as ze gae roke'
zesse rieen ze op een jaer - op de beurte, want 't sleutelen doen ze ook
saemen. Op 't moment èn ze tweê trekkers daè as ze wedstrijden mee
riee. 'Tweê, drie jaer doen me dat noe. 't Is begonne mee zó een trekker
uut schure te rieen en dan een kleinigheidje d'r an doee. 't Gaet erom
dajje zövee meugelijk vermogen uut zö'n dienk 'aelt. Mae dat nie
alleêne: d'r moete goeie banden onder zitte en is je balans nie goed dan
brouw je d'r niks van. Je moet je maximale druk op jen achterwiele En
as je an 't rieen bin, kajje mee je vermogen spele deur de versnellieng. In
een laogeren ei-je méér vermogen op je wielen. En an de gewichtsverdê-
lieng op je trekker ka je ook van aolles doee...'
Sleutele dus. 'Een 'eêl bitje aevens bin me d'r an bezig. Probere te
verbeteren, ee. A je dan een keer gereen eit, dan zei je: dit mochte me
wè 's doee, of dat. Voraol in 't begin is 't vee zoeke, 'oor. De trekker
moe origineêl bluve. Je mag dus geên componenten biebouwe en 't
brandstofsysteem moe 't zelfde bluve. Dat staet in de reglementen van
de organisatie.' Ook bie de boereklasse bin d'r dus een 'oop regels vö
trekker-trek. Enthousiast wete de joengers uut mekaore te doeen dat elk
trekkermerk z'n eige karakteristiek eit. 'D'r bin anouwers en geên-
anouwers. Zeker die ouwere bin anouwers, da komt ook omdat die nog
nie zó bepèrkt waere deur milieu-eisen...'
't Is waer, vö schóne lucht ei je nie naer een trekker-trek te gaen. De
kwaelijke dampen kruuse d'r langs en dwas deur de atmosfeer. Mae
vergeleke bie de vliegtuugmotoren van de 'specials' is de rook van
noe nummer 13 I
