'Die gaen pas wèrke as ze gae roke'
trekkers zöas die van Mart-Jan en Joan toch nog kinderspul. Ulder
troetelkindje is van'tjaer '76 en ze vertelle d'r bie datje trekkermèrk een
bitje bie je gaet ore. 'D'r bin d'r 'ier in de contreien nog 'eêl wat, die
rieen nog 't zelfde trekkermèrk daè as opa óók a mee ree. Vee
Fergusons, John Deeres en Fords 'ier in Zeêland. Dat leit er an waer as
watvö dealer zit, natuurlijk.'
Trekker-trek komt in feite uut Amerika en is biezonder populair in den
Achteroek, maer ook in Braebant oor 't vee gedae. Ook in Zeêland kope
aomae meer gasten een trekker vó trekker-trek en niks anders, 't
Grootste deêl bin boerezeuns, of ze 'ebbe toch zeker iets mee de
landbouw - Mart-Jan en Joan valle in die leste categorie. De twintigers
kunne de 19e juli terugkieke op een goed gelukte trekker-trek in
Aegtekèrke. Ze 'ebbe aordig gepresteerd en dat vö eige publiek. De
joengers èn 't voordeêl dat ze de baene a jaeren kenne - eerst as publiek
en laeter as deêlnemer. 'Op tachtig meter leit er een rotte plekke in, en
daè schuve een 'oop van de trekkers naè lienks. Dat lei vee an 't weer
ook. Die grond is taoi as 't geregend eit en as 't droge is, is n as beton.'
Een 'êle kunst dus om te sturen, a je ook nog op aol die andere diengen
moe lette zóas de versnellienge en 't toerental van de motor. Zwaoie naè
de fans in 't publiek is t'r nie bie, mae daè bin de meêste trekker-trekkers
trouwens toch de figuren nie vö. Doe mae gewoon, dan doe je gek
genoeg - de sfeer op de trekker-trek is t'r nie minder om. D'r bin een
'oop bezoekers die at zelfs glad geên tied om naè de trekkers te kieken:
I noe nummer 13
nog bie de 'ardst brullende motoren bluve ze an 't woord mee de man of
de vrouwe daè as ze bie stae. Trekker-trek is een happening, een plekke
om ménsen tegen te kommen net zóas bie 't rienkrieen, de plaetselijke
wielerronde of de motorcross. Geên wonder dat de kele dan aol-an
droge raekt. De tente daè as bier getapt oort, raekt langzaem voller as 't
zunnetje laoger komt te staen. Of is dat van die smerige smoke, dat 't
soms een bitje duusterder liekent?
