Binne julder een stopera an 't bouwen?
Maartje Stuut
Elk voorjaer tennisse m'n mit de Zierikzeêse tennisverênigieng in
competitieverband tegen andere tennisclubs uut Zeeland.
Districtscompetitie zö gezeid. Soms motte m'n 'eêmae nae Zeeuws-
Vlaenderen en dan gae m'n mit de 'kroketteboöt' nae d'n overkant.
't Ouwe staduus van
Zierikzeê
Dat is aoltied goed vö 'n leutige 'erinnerieng; soms lekker uutwaoie op 't
achterdek, dan ku m'n ampersant de stommiteiten van de tegenstanders
nog es deuneme en onze eige kwaliteiten roeme (of was 't noe
andersom?), soms doe m'n moppen tappe achter een kommetje koffie.
Ma leutig is 't aoltied. Wat zu m'n die boöt misse at n d'r nie mir is.
Mar even trug nae de wedstrijden. Een stuitje geleë wiere m'n bezocht
deu tennissers uut Kamperland. Ze waere a lange nie mir in Zierekzeêë
gewist. Dat konne m'n gelieke mèrke. En van de Schouwen-Duvelandse
strubbeliengen waere ze ok nie op de 'oógte.
'Binne julder een Stopera an 't bouwen', was 't eêste wat ze vroege, 'dat
raore gróte gebouw wat a dae bie de stoplichten staet?'
'Bêneênt, glad nie', zeide ons, 'dat oör 't nieuwe gemeênt'uus'.
Toen moste ze toch zö lache; ze deë 't bienae in d'r broek van de leut.
'Een gemeênt'uus? Da's toch wè een grapje zeker?'
'Neêë, zeide ons, dat is gin grapje, was 't ma waer'.
'Zö'n futuristisch gebouw een gemeênt'uus? In Paries zou 't nie misstae,
daer ze een 'êle nieuwe wijk mit zukke gebouwen, ma bie zö'n oud
stadje as Zierikzeêë? Dat kan toch gin waer weze?'
Ons zeide beteuterd dat 't wè waer was, en dat ons 't ok verschrikkelijk
vonde, ma dat 't van 'ögerand zö beslist was.
'Ma zö'n wanstaltig gedrocht is een anfluiting vo julder stadje! Dat kan
toch gin mens goedgekeurd Dae mot mee gerotzooid weze, mit die
vergunningen, dat kan nie anders!'
'Ja, kiek 's 'ier, dat za je ons nie 'ardop 'ore zégge', zeide ons, 'want ze
noe nummer 13 I
37