Binne julder een stopera an't bouwe?
Zó komt 't nieuwe gemeênt'uus d'r uut te Ze bin a een 'eêl ende mi bouwe
zien
kenne je 'ier, en de volgende keer
je die ambtenaeren toch wl nodig vo een vergunning van 't eên of 't
aore'.
'Julder bin 'ier toch nie zot zeker, da je dat goed vinde mit z'n aollen?
En wat mot dat wè nie koste?'
'Vuufenveertig miljoen', zeide ons.
'Vuufenveertig miljoen? En julder theater wor esloopt wegens
geldgebrek?'
'Ja, ons motte strakjes nae Rotterdam of nae Vlissingen vo een bitje
vertier'.
'Ma fesoenlijke wegen om dae te kommen, dae geve ze 'ier ok a gin
geld an uut; vanochenvroeg stonge m'n a in de file. En da's aoltied zö.
noe nummer 13
En bie Bru stae je ok aoltied in de file. En julder ziekenuus, daer is toch ok
a gin geld mi vo? En vo een gemeênt'uus - wat of alleên ma in 't belang
is van een 'andjevol ambtenaeren, die mekaore mar een bitje wérk zitte
verschafte mit aol d'r nieuwe regeltjes - dae geve ze
vuufenveertig miljoen an uut? Pikke julder dat zöma?'
'M'n genogt geprottesteerd, zeide ons, wan d'r is 'ier gin méns die vo
zövee geld zö'n lillijk misbaksel op die plekke wil. D'r bin verscheie
actiegroepen gewist die d'r tegenin gienge, ma ze luustere nie bie de
gemeênte. Ze doe gewoon wat ze zèlf wille. En van nature bin wulder
nie zukke oproerkraoiers; je trek toch
aoltied an 't kortste ende'.
'Ma beseffe julder dan nie dat julder dat aollemae zèlf betaele?'
'Ja, dat zit er wel in'.
'Juust, ma die gemeênte zou toch van julder belastiengcenten d'r vo
motte zurge dat 't zieken'uus open bluuft? De gemeênte is t'r toch vo
julder en toch nie om de ambtenaeren een mooi onderkommen te
verschaffen?'
'Ja, dat dochte ons ok', zeie m'n beteuterd, 'ma d'r was niks an te doeen,
't wier noe eemae zö beslist, en ons bin gehoorzaeme burgers'.
'Gehoorzaeme burgers? Suffers zu je bedoele, stomme suffers, dat
bin julder, en anders niks!'
Daer 'adde m'n nie van trug. En ons dochte da ze nog achterlijk waere
op Kamperland. Ma dit was eên-nul vor ulder. En de wedstrijd was nog
gineêns begonne.
