Pak an
Marco Even hu is
Pak anr die nieuwe Noe! Nae nie te 'erkennen,
mae daer was je een vorige keer a vo
gewaerschuwd. Me dochte at't naè drie jaeren
wè 's tied was vo een nieuw jasje. Jan van
Broekhoven eit er z'n beste op gedae. 't Ziet er
op 't eeste gezicht wat éénvoudiger uut, mae juust
deudat de bladzies wat 'rustiger' bin, oort 't aoi as
't goed is wat prettiger om lezen. En lae me wel
weze: Zeêuws leze is vo een berg mensen nog
aoltied nie zö simpel. Daè me dus rekenienge
mee perbere 'ouwe mee de vurmgevieng.
In j'n eige tempo in in de nieuwe opmaek ka je van de winter an de slag mee een goed sük
van Leuny de Kam over biebelvertaeliengen in 't Zeêuws, een fraoie reportage van Jan
Zwemer over de trekker-trek van Aegtekerke en een kritisch stik over 't nieuwe
gemeênte'uus van Schouwen-Duveland dat as in Zierikzeê gebouwd oort. Maartje Stuut ei
daè nachten van wakker gelege.
Natuurlijk bin d'r oök wi vee goeie gedichten veraelen en de foto's van Bram Willeboordse
stae d'r wi pront op. Dazelfde geldt vo de foto's van Peter Verdurmen. Die ei maenden mee
z'n camera deu Zeêland gezworve en 'eêl wat fraois bie mekaore geschote. In Noe nummer
13 zie je wat werk van een foto cd-rom die at n in eige be'eer uutgegeven eit.
In deze Noe verder 'eêl vee aandacht vo de erkennienge van 't Zeêuws, de 'emancipatie'
van streektaelen en dialecten en de komst van de aollereerste streektaelconsulent van
Zeêland. Marjolein de Visser is dat. Ze vertelt over d'r ervaeriengen mee 't Zeêuws en d'r
plannen as consulent. En wat a de erkennienge van 't Zeêuws angaet: lae me 'ope a 't nie
symbolisch is dat die noe juust in Noe nummer 13 besproke oort...
Jae, d'r is een berg gaende op 't gebied van onze taele. Mae 't is vo een goed deêl aol
polletiek. Polletiek kan vee goed doee vo een taele, mae je moet 't belang daèvan oök nie
overdrieve. At 't Zeêuwse je an j'n 'arte gaet, dan kan je nog aoltied 't beste zelf anpakke:
praot Zeêuws waer a dat gepast is, geef 't deur an je kinders, lees of schrief meer Zeêuws,
bezoek 's een Zeêuwse aeven of organiseer 's wat en... lees Noe! Oök in 2002. Anpakke die
'andel en plezierig mee dit nieuwe nummer.
2
I noe nummer 13
