penne Inkt
jan Zwemer
In de tied van m'n eerste gedichten (daer is
'aevend' er eên van) was ik dikkels mee
penne en papier in de weere. Geên balpenne
en schriefblok, maer oöstindische ienkt en
een schetsboekje. Wanneer at dat was? Nou,
da's zeker a twintig jaer terug.
augustus
de wind is omme naè 't westen gegae
en vierklauws m'n ziele ingestove
't was baemis ineêns en
't sturmde geloo'k ook
en de peeborden mochte op de waegens
't was natuurlijk geên waer
't was nog zeumer, mae toch
ao 'k de diepten van 't naejaer geprove
aevend
as 't noe 'eêl lank aevend bleef
tieden, tieden lange
dan rocht op den duur m'n ienktpot leeg
m'n 'and wier koud
m'n schetsboek vol
en den aevend was gevange...
Noe nummer 13 I