proefondervindelijk kwam 'k d'r achter da je 't Zeeuws nie zöma an de
kant kan zette, 't Ei wè degelijk een functie. Spreek je Zeêuws onder
Zeêuwen dan brieng je daemee nie alleên feiten of mêningen onder
woorden, bievoorbeeld da 't vee geregend eit, ma je geeft ook an,
bewust of onbewust, da je onder mekaore j'n eige kan weze. Een stikje
eigenheid da je deêlt mee aore Zeêuwen, en da je ontkent deu Standaard
Nederlands te praeten waer a je eerst Zeêuws sprak. Toen 'k dat eênmael
jn de gaten kreeg, steeg m'n wardering voo 't Zeêuws en besloot ik
gewoon wee Zeêuws te praeten waer a 'k dat aoltied 'èn gedae. En mee
succes: mee m'n oma praet ik wee 'onderduut, en kom ik op Aeremuu
en wor ik angesproke in 't Aeremuus, dan geef me dat 't gevoel asof ik
thuus komme.
En zö bin 'k dan uuteindelijk terecht gekomme bie de Stichting Cultureel
Erfgoed Zeêland. Je zie ma, 't kan raor löpe in 't leven. As streektaal
consulent 'oóp ik da 'k ook aore mensen kan overtuge dat 't Zeêuws
zeker de moeite waerd is, zö dan me dit deêl van ons erfgoed in leven
kunne ouwe en deu kunne geve an onze kinders en de kinders dae wee
van. Daerbie willen me as Stichting Cultureel Efgoed Zeêland graog
saemen wèrke mee aolle vereênigingen, stichtingen, instellingen en
individuen die an d'r eige, sommige al 'eêl lang, mee vee enthousiasme
en kennis van zaeken inzette voo onze streektaal. Ma daer è'k 't volste
vertrouwen in...
't Kan raor löpe
[Stichting
f- Cultureel
lij I Erfgoed
JEKll 'Zeeland
noe nummer 13 I
5
