De Streekblomme
Arjaan van Liere
't Verael 'de Streekblomme' krege me as onderdeel van een reactie op een
discussie over de erkennienge van 't Zeêuws op onze website
(www.zeeuws.cjb.net). De schriever, Adriaan van Liere, is in 't butenland
grootgebracht mee Zeêuws en lengels as eêste taelen.
Toen at n tegen z'n twintigsten voe 't eêst mee vakantie naè Nederland
kwam, kon n nog glad geên Nederlands spreke. Dat eit n z'n eige pas
laeter angeleerd. At n in Zeêland was, eit n aoltied Zeêuws gesprake.
Toet a de mensen tegen z'n begonne zeie a dat 'onbeleefd' zou zien-
Ie vindt 't erg jammer at n daé in 't butenland niemand meer eit wae at n
in z'n eige taele mee kan praote ('mie uutzonderieng van den 'ond, die a
't 'eêl goed begriept!', schrief Van Liere). Toch perbeert n de taele vo z'n
eige in leven te 'ouwen deu d'r in te schrieven.
't Verael 'De Streekblomme' me, as een uutzonderieng, in de spellienge
van de schriever laete staen. Om at 't wat laet ziee over 'oe iemand op
z'n eêntje verre weg van de oorsprong van z'n taele perbeert die taele
levendig te 'ouwen. Vo wie at 't nie geliek ziet: de taele van Van Liere is
't Zeêuws van west-Zuud-Beveland.
En vo wie wat over die spellienge wete wil: ie schrieft de h terwiel a je n
nie uutspreekt (in Noe gebruke me daè een apostrofje vo); de ie is bie
urn een y; een lange uu schrieft n as ue; eên is bie urn ean en groot is
groat.
Myn groaste trots is 't tuentje wat a 'k hiere neffen m'n huesje staen hè.
lederean hei zoa z'n eigen passies, en voe myn is dat om op m'n knieën
tussen m'n plantjes zitte en om te zurgen da aoles op z'n moaist tot z'n
rechte kom. In m'n tuen hè ik vanaoles staee; in de loap der jaeren hè ik
aolerlei kleuren en geuren verzaemeld, en tegaere binne ze ean groat
kleurepalet waè'a 'k stikke graas op bin.
Mae daè staè ean blommetje tussen die'a m'n harte estolen hei. Daè
steek ik de measte tyd in, en as-t'n in de zeümer wee in bloei staè, kan ik
der wè uren naè staè kyke.
't Is mae ean klein blommetje, hö, mae z'n zachte kleuren staè wè zoa
not nummer 14/15 I