't Grote Gat
Rini Kamp
Sinds driekwart jaer lees ik 't blad Noe. As
Plaetenaer in Zwolle bin 'k op ofstand nog
steeds betrokken bie de Zeeuwse tael.
Noe da'k drie nummers van Noe hè geleze,
merk ik dat er een groöt gat in Noe zit. D'r wor
geschreven in 't Zeeuws van Duunkaerke tot
Zierikzeê, mar ik lees geên letter Flakkees. 't
Flakkees hoart geweun bie de Zeeuwse tael,
daer bin'k van overtuugd. Dat er gróte verschil
len binne, dat maek niet uut. De overéénkom
sten binne gróter. We praete dezelfde tael.
Bin d'r geên Flakkeese schrievers en dichters?
Volgens mien genogt, mar ze binne meschien
nog nie ontdekt deur Noe of andersom. Kiek
mar in 't Eilandennieuws, van de leste dertig
jaer. D'r staen genog verhaelen en gedichies in.
Bie deze een voorzet.
't Gróte Gat bie De Plaet was vroeger een
butengeweune visstek. Ik bin geen visser, dus ik
kwam d'r eigenlijk nooit. Den inkelde keêr da'k
er geweest bin, was om te jaegen op fezanten.
As veintje van een jaer of twaolf moch ik met
de buurman mee op fezantenjacht. Hie had een
vergunning om in 't naejaer te jaegen. Saemen
met de buurjongen mosten we de fezanten
opjaegen met de bedoeling da ze zoue gaen
vliegen. De gróte manne met de geweren en
haegel deë de rest. Wiele mochten daernae de
slachtoffers meedraegen. Den aore dag ate me
fezant, je mos alleên oplette, da je nie op een
haegeltje beet.
Ik herinner me da 'k d'r een dubbel gevoel an
overhieuw. An de êne kant was 't vreêslijk
spannend, op stap met gróte mannen met een
dubbelloaps jachtgeweer. An de aore kant von
'k 't vreêslijk dat er van die mooie veugels
zomar wieren doödgemaekt. 't Hei me
meschien wel geholpen, want ik bin noe echt
een natuurliefhebber.
Ik bin d'r daernae nie veul meêr geweest. Nog
wel 's met m'n zeun, a 'k een roendje fietste
deur de polder. En ielke keêr as ik d'r in de
buurt kwam, mos ik terugdienke an de fezan
tenjacht.
Vandaeg den dag heit 't gebied de status van
natuurgebied gekrege. Gelokkig mar, dan
kenne de fezanten d'r rustig hun ouwe dag
deurbringe, zoender da t'r veintjes van een jaer
of twoalf ze opjaege...
noe nummer 14/15 I
