Korte ontmoeting
Albert Goeman
Een stikgoed idee van die Goese bestuurders
om een gratis parkeerplekke in te stellen bie, of
in de Zeêlandhallen en d'r een gratis bus te laè-
ten rieën naè 't centrum. Vee mensen maeken
d'r gebruuk van, oöns ok natuurlijk. Ze noemen
't 'Transferium', wat a zövee wil zègn as 'over-
stapplekke'. D'r is ok nog een 'indoor parking-
place: 'Ollands kennen ze daèr in Goes zeker
nie mi.
Me wazzen naè de openienge van een ten-
toönstellige ansichtkaarten van ansichtkaarten
ewist in 't museum en stoengen noe te wachen
op de pendelbus, 't Was stik-eêt en ik liepe een
bitje 'een en weer om a me a zö vee ezeten
'aan - toespraakjes en zö, je weet wè.
Op 't bankje zat een verliefd jong stelletje. Ie
lang, slank, blond. Zie wat kleiner, erg blank en
mollig. Allebei luchtig ekleêd. Ze 'aan mekaren
omstrengeld en 'ieuwen nie op om mekaren te
kossen. Kortom aal wa at er bie 'oort om toet
die daed te kommen, deur de Schepper
bedoeld toet 't in stand 'ouwen van de soort. A
een mens daè ok nog een groöt genot an
beleeft, da's toegift.
Die joen aa natuurlijk ezien a 'k wat ouwer was
en ie stoeng mie z'n misje op en ze boon me
ulder plekke an. Ik bedankte vriendelijk en zei
't erg op pries te stellen dat er nog nette jonge
mensen wazzen, want dat kom nie mi zövee
voor.
Me rochtn in gesprek en ze verteldn an ze in
Kortjeen op een camping zatten. Ie was twintig
jaer en zie achttiene en ze sliepen saemen in
een tente en ze 'aan ielken aevend sex. Ik
dochtn: waèrom vertel jie dat an een volslagen
vremde? Maer ik dienke a ie eên of ander
wildn uutlokken, want ie zei: 'Vindt u zeker niet
goed, hè opa?'
'Och, waarom niet. Ga gerust je gang maar,
maar blijf mens en wordt geen beest om van
de ene op de andere te liggen. Blijf trouw en
heb elkaar lief. Overigens gebeurt dit al sinds
onheugelijke tijden, alleen werd 't vroeger meer
verborgen. Nu zijn de normen alleen wat losser
geworden.'
'U bent al tachtig jaar, maar wel modern. Hebt
u ook nog wel eens sex?'
'Nou, dat is een donders ongepaste vraag. Dat
gaatje niks an. Onthoud van mij: er zijn dingen
in 't leven die enkel de partners aangaan, daar
heeft een ander niks mee te maken. Dat is
strikt persoonlijk.'
'Neem me niet kwalijk. Ik studeer voor jour
nalist en wil alles weten...'
'Succes ermee. Daar komt mijn bus. Nee, die
voor Kortgene komt later, dit is de pendelbus.
Nog een prettige vakantie.'
Ik stapte in en verwonderde me d'r over dat in
een zö kort stikje tied zukke intieme diengen
ter sprake kunne komme. De bus startte en me
reeën wig. Ze stakken allebei d'r 'and op bie
wieze van groet en ik wuufde terug. Toch wè
een sympathiek stel. De bus ree deur Goes en
ik keek naè de verkeersdrukte en voe da'k er
erg in aa, was dat voorvalletje wee verbie.
I noe nummer 14/15
