Liefdadigheid
Peter Dieleman
Dit verhaaltje gaet over toevalligeden en voortêkens, en oe a je daè soms
gevolg an kan geve, mae ok oe a je dat soms juust mö negere. Dat
klienkt ingewikkeld, mae 'k za een voorbeeld geve. Je ei net een jong
poesje gekrege mae je weet gin naem te verzinnen. Dan zet je de radio an
en ze draaie net persies 'Peggy-Sue' van Buddy Holly. Dat kan gin toeval
weze, dus noem je dat katje 'Peggy Sue'. Ja, 't is messchien nie 't beste
voorbeeld, mae je snapt wat a 'k bedoele.
Zö zat ik van de weeke de autobiografie te lezen van Bob Geldof. Dat
was de zanger van een Ierse groep, de Boomtown Rats, mae ie is
voornaemelijk bekend vanwege 't feit dat n Band Aid en laeter Live Aid
opgezet eit, om geld in te zaemelen voe 'ongerende mensen in Afrika.
Die jongen ei z'n eigen op een meniere ingezet die a bie mien respect
afdwiengd. Ik zat net te lezen oe at n zelfs gin geld van de inzaemelieng
wou gebruke om z'n eigen reis en verbluufkosten te betaelen at n erges
een pries in ontvangst most neme, toen a de tillefoon gieng. 't Was een
mevrouw die a vroeg of da 'k de 'Zonnebloem' kenden. Ik doche 't za
wè voe een optreden weze, dus ik pakten avast een penne en een
papiertje. Mae 't was of da 'k lid wou worre.
Een normaal mens zou dan zegge dat dat gin toeval kan weze. Je zit te
lezen over weldoenerij in de ultieme vurm, en net op zö'n moment belt
er iemand of da je lid of donateur wil worre van iets, zö da je ineens j'n
eigen ok een bitje as weldoener kan beschouwe. Dat kan gin toeval
weze, en 't is dan ok voe vee mensen een aanleiding om an zoiets toe te
geven.
Helaas voe de 'Zunneblomme' 'k tweê jaer trug ok a 's zö'n toevaligeid
meegemaekt, en daè bin 'k achteraf nog a over teleurgesteld, 't Was op
een gewonen deurdeweeksen dag. Toen a de post in de buzze gegooid
wier, bleke dat tweê enveloppen te wezen. Eên van de giro mie afschrif
ten, en eên van een organisatie die a 'Voedsel voor de Armen' 'eêtten. Ik
miek eêst die enveloppe van de giro open en tussen alle bedraegen mie
noe nummer 14/15 I